महेन्द्र शाही
सोलुखुम्बु, असार १७
घरको ढोका छोएको निहुँमा दलित किशोरमाथि हातपातमा संलग्नलाई तत्काल पक्राउ गर्न सोलुखुम्बुका दलित समुदायका अगुवाहरूले माग गरेका छन् । गत जेठ ३१ गते सोलुदूधकुण्ड नगरपालिका ९ सिसाखोलाका स्थानीय तारा थापामगर र श्याम थापामगरले १६ वर्षीय दिपक विश्वकर्मामाथि हातपात गरेको आरोपमा जिल्ला प्रहरी कार्यालय सोलुखुम्बुमा मुद्दा समेत दर्ता भएको छ । मुद्दा दर्ता भए पनि पक्राउ नगरेको भन्दै अधिकारकर्मीले कानुनी दायरामा ल्याउन मागसहित जिल्ला प्रशासन र जिल्ला प्रहरी कार्यालयमा ध्यानाकर्षणपत्र बुझाएका हुन् ।
जातीय भेदभावविरुद्धको कसुरमा असार ७ गते जिल्ला प्रहरी कार्यलयमा उजुरी दर्ता भएर पक्राउ पुर्जी जारी भए पनि पक्राउ नगरिएको भन्दै प्रशासन र प्रहरीको ध्यानाकर्षण गराउनु परेको दलित अगुवा विनोद कालीकोटेले बताए । यदि घटनालाई सामान्यरूपमा लिएर दोषीलाई उन्मुक्ति दिने कोसिस भएमा जिल्लाका सिंगो दलित समुदाय सशक्त आन्दोलन गर्न बाध्य हुने समेत ध्यानाकर्षणपत्रमा उल्लेख गरिएको छ ।
प्रमुख जिल्ला अधिकारी (सीडीओ) रमा आचार्यले आफू जातीय विभेदविरुद्धकै अभियानमा रहेको भन्दै यथार्थ बुझेर पक्राउमा सहजीकरण गर्ने बताइन् । कसैले पनि जातीय विभेद गरेको पाइएमा कडाभन्दा कडा कारबाही गरिने उनको भनाइ छ । यता जिल्ला प्रहरी कर्यालय सोलुखुम्बुका प्रहरी नायब उपरीक्षक (डीएसपी) टेकुनन्द इवा लिम्बुले किटानी जाहेरीको आधारमा आरोपितको खोजीकार्य जारी रहे पनि नभेटिएको जानकारी दिए । ध्यानकर्षणपत्रको सोलुदूधकुण्ड नगरपालिका र अनौपचारिक क्षेत्र सेवा केन्द्र (इन्सेक) सोलुखुम्बुलाई समेत बोधार्थ दिइएको छ । इन्सेक सोलुखुम्बुको सहयोगमा नै उक्त मुद्दा दर्ता भएको थियो ।
क्याटेगोरी : नेपाल
ताजा अपडेट
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
- सर्वोच्चद्वारा सुन व्यवसायमा संघको सिन्डिकेट रोक्न अन्तरिम आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया