काठमाडौँ, असार २४
श्रम, रोजगार तथा सामाजिक सुरक्षा मन्त्रालयले आइतबार वैदेशिक रोजगार बोर्डमा दुई जना विज्ञलाई मनोनीत गरेको छ । आइतबार श्रममन्त्री रामेश्वर राय यादवले बोर्डमा वैदेशिक रोजगार व्यवसायी संघका पूर्वअध्यक्ष तथा एसओएस म्यानपावर सर्भिसका सञ्चालक हेमराज गुरुङ र स्वास्थ्य व्यवसायी महासंघका अध्यक्ष कैलाश खड्कालाई विज्ञका रुपमा मनोनीत गरेका हुन् ।
मन्त्रालयका प्रवक्ता सुमन घिमिरेले मन्त्री यादवको निर्देशनमा बोर्डको विज्ञमा खड्का र गुरुङलाई बोर्डमा ल्याउने तयारी गरिएको बताए । म्यानपावर सञ्चालकहरु ठगीलगायतका मुद्दाहरुमा विवादित रहेको पाइएको छ । मन्त्री यादवले बोर्डमा नियुक्त गरेका गुरुङ र खड्का पनि सो मुद्दा चलेका व्यक्ति भएको पाइएको हो । वैदेशिक रोजगारीको क्रममा गुरुङलाई कतार पठाउने नाममा र खड्कालाई मलेसिया जाने युवाहरुको नाममा सिण्डिकेट खडा गरेको आरोप लाग्दै आएको छ ।
सोही क्रममा खड्काले भने विदेश जाने युवाहरुको स्वास्थ्य परीक्षणको नाममा सिण्डिकेट खडा गरेको आरोपपछि सरकारले नै उनीमाथि अनुसन्धान गरेको थियो । मलेसिया जाने युवाहरुको स्वास्थ्य परीक्षणको नाममा सिण्डिकेट खडा गरेको तथा ठगी गरेको पुष्टि भएपछि मुद्दा चलाइएको थियो । खड्काले मलेसिया जाने नेपालीको स्वास्थ्य परीक्षण ३९ वटा संस्थाले मात्र गर्नसक्ने गरी सिन्डिकेट लागू गर्न सफल भएका थिए ।
तत्कालीन श्रममन्त्री गोकर्ण विष्टले मलेसिया जाने कामदारको स्वास्थ्य परीक्षणसहित भिसा प्रक्रियाका लागि खडा गरिएको बायोमेट्रिक प्रणाली भित्र्याउन मुख्य भूमिका खेलेको निष्कर्ष निकाल्दै कारबाही प्रक्रिया अघि बढाएका थिए । सोेही क्रममा २०७५ जेठ २ गते स्वास्थ्य परीक्षणलगायतका विभिन्न नाममा विदेश जाने युवाहरुलाई ठगी गरेको आरोपमा ४० जनाभन्दा बढी मेनपावर निकट व्यक्तिहरुलाई प्रहरीले पक्राउ गरेको थियो भने खड्का भने फरार रहेका थिए । पछि खड्काविरुद्ध जिल्ला अदालतमा मुद्दा चलाए पनि उनले सफाइ पाएका थिए ।
त्यस्तै गुरुङले पनि कतार जाने कामदारको लागि कतारी भिसा सेन्टर सञ्चालन गर्दै कामदारमाथि सिण्डिकेट खडा गरेको आरोप लागेको छ भने विदेश पठाउने नाममा युुवाहरुलाई ठगी गरेको उजुरी समेत वैदेशिक रोजगार विभागमा परेको छ । वैदेशिक रोजगार ऐनको दफा ३८ मा वैदेशिक रोजगार बोर्डमा श्रमविज्ञबाट एक महिलासहित दुई जना र वैदेशिक रोजगार व्यवसायी संघका अध्यक्ष तथा उनले सिफारिस गरेका एक महिलासहित दुई जना सदस्य हुने व्यवस्था गरेको छ । सो व्यवस्थाअनुरुप संघका तर्फबाट अध्यक्ष विष्णु गैरे र कोषाध्यक्ष इन्दिरा गुरुङ बोर्डका सदस्य छन् भने अझै एक जना महिला विज्ञको नियुक्ति भने बाँकी नै रहेको छ ।
गुरुङ विज्ञ पदमा नबस्ने : यसैबीच गुरुङले बोर्डको विज्ञ पदमा आफू नबस्ने बताएका छन् । उनले मंगलबार एक विज्ञप्ति जारी गर्दै सो कुरा बताएका हुन् । उनले कोभिडको कारण वैदेशिक रोजगारीको क्षेत्रमा जटिलता देखिएको र व्यक्तिगत अस्वस्थताको कारणले सदस्य पदमा रहेर काम गर्न असमर्थ रहेको भन्दै विज्ञ पदमा नबस्ने बताएका छन् । पत्रमा भनिएको छ, ‘सम्मानित र मर्यादित बोर्डमा रहेर आफ्नो योग्यता र दक्षताअनुसारको परिणाममुखी कार्य गर्ने अभीष्ट हुँदाहुँदै पनि कोभिड–१९ को महामारीले सृजित विषम परिस्थिति र विश्व अर्थतन्त्रमा पर्न गएको ऋणात्मक असरको अतिरिक्त वैदेशिक रोजगारको क्षेत्रमा देखिएको जटिलता र व्यक्तिगत अस्वस्थताको कारणले तत्कालका लागि बोर्डको सदस्य पदमा रहेर काम गर्न असमर्थ भएको व्यहोरा अनुरोध गर्दछु ।’
क्याटेगोरी : नेपाल
ताजा अपडेट
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
- सर्वोच्चद्वारा सुन व्यवसायमा संघको सिन्डिकेट रोक्न अन्तरिम आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया