भेषराज बस्नेत
राँझा, साउन २०
बाँकेमा समुदायस्तरमा कोरोना संक्रमण देखिएसँगै पुनः बन्दाबन्दी जारी भएपछि यहाँका होटल व्यवसायी निराश बनेका छन् । चार महिनादेखि बन्द होटल सञ्चालनका क्रममा रहेकै बेला पुनः बन्दाबन्दी जारी भएपछि बाँकेका होटल व्यवसायी निराश बन्नपुगेका होटेल व्यवसायी संघका अध्यक्ष भीमलाल कँडेलले बताए ।
‘कोरोनाका कारण बाँकेका साना तथा मझौला होटलसमेत विस्थापित हुने अवस्थामा पुगेका छन्, कयौँले बिक्री गरेर विस्थापित भइसकेका छन्’, अध्यक्ष कँडेलले भने, ‘लकडाउनका कारण चार महिनादेखि बन्द रहेका होटल खुल्ने सुरसारमा थिए फेरि लकडाउन भयो, घरभाडा तिर्नै समस्या छ ।’ बन्दाबन्दी खुलेसँगै साना तथा मझौला होटलले सेवा सञ्चालन गर्दै आएको भए पनि व्यापार नहुँदा खर्च धान्नै नसक्ने स्थितिबाट गुज्रिरहेको अवस्थामा फेरि कोरोना संक्रमण देखिएपछि होटल व्यवसायी धराशायी हुने उनको भनाइ छ ।
बन्दाबन्दीको मारमा अधिकांश साना तथा मझौला होटल व्यवसायी पर्ने गरेको कँडेलले बताए । ‘एकातिर व्यवसाय छैन, अर्कोतिर घरबेटीले घरभाडामा छुट दिएका छैनन् कतिपय स्थानमा लकडाउन अवधिको भाडा एकमुष्ट मागेपछि व्यवसायी झनै चिन्तित बनेका छन्’, अध्यक्ष कँडेलले भने । सरकारले बन्दाबन्दीका कारण बन्द रहेका होटल र पर्यटन क्षेत्र साउन १५ देखि खुला गर्ने निर्णय ग-यो । त्यसपछि बाँकेका ठूलो लगानीका होटल सञ्चालनको तयारी भइरहेका बेला पुनः बन्दाबन्दी थपिएपछि सञ्चालनमा अन्योल देखिएको होटल व्यवसायी महासंघ प्रदेश ५ का अध्यक्ष भाष्कर काफ्लेले जानकारी दिए ।
१ सय ४१ घरधनीबाट भाडा छुट : कोरोना भाइरस महामारी रोकथामका लागि जारी बन्दाबन्दीको अवधिमा बाँकेका १ सय ४१ घरधनीले उद्योगी, व्यवसायीलाई घर भाडा छुट गरेका छन् । कम्तीमा एक महिनादेखि बढीमा चार महिनासम्मको घरभाडा छुट भएको नेपालगञ्ज उद्योग वाणिज्य सङ्घका महासचिव चिरञ्जीवी वलीले जानकारी दिए । उनका अनुसार घरभाडा छुटको तथ्यांक संकलन भइरहेको छ । करिब तीन करोड बराबरको घर भाडा छुट भएको अनुमान छ ।
घरधनीले कम्तीमा १० हजारदेखि एक लाख ५० हजार रुपैयाँसम्म बढी छुट दिएको पाइएको छ । भाडा छुट पाउनेमा आधाभन्दा बढी होटल रेष्टुरेन्ट नै छन् । कपडा पसल, ज्वैलर्स, प्लाष्टिक, बिजुली, बैंक, वित्तीय संस्थालगायत रहेका छन् ।
क्याटेगोरी : नेपाल
ताजा अपडेट
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
- सर्वोच्चद्वारा सुन व्यवसायमा संघको सिन्डिकेट रोक्न अन्तरिम आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया