खेमराज अधिकारी
खोटाङ, पुस ९
नजिकिँदै गरेको ‘नेपाल भ्रमण वर्ष २०२०’ खोटाङबाट सुरु हुने भएको छ । नेपाल सरकारले घोषणा गरेको भ्रमण वर्ष २०२० को प्रचारप्रसार गर्दै आन्तरिक तथा बाह्य पर्यटकको आगमनमा वृद्धि गर्ने उद्देश्यले जिल्ला समन्वय समिति महासंघ प्रदेश नम्बर १ ले खोटाङका ऐतिहासिक धार्मिक तथा पर्यटकीय स्थलहरूको भ्रमण गर्दै खोटाङबाट भ्रमण वर्ष २०२० को सुरुवात गर्नेभएको हो ।
जिल्ला समन्वय समिति खोटाङको हलमा मंगलबार पत्रकार भेटघाटको आयोजना गरी पुस १० देखि भ्रमणको सुरुवात गरिने जिल्ला समन्वय समिति प्रदेश नम्बर १ प्रदेश कार्यसमिति संयोजक बबि चाम्लिङले जानकारी दिए । उक्त भ्रमणमा खोटाङको दिक्तेल रूपाकोट मझुवागढी नगरपालिकाका पाँचवटा र हलेसी तुवाचुङ नगरपालिकाका चारवटा महत्वपूर्ण स्थानहरूको भ्रमण गरिनेछ । भ्रमणको पहिलो दिन पौष १० गत्ते खोटाङको दिक्तेल रूपाकोट मझुवागढी नगरपालिका ६ स्थित धार्मिक तथा पर्यटकीय स्थल भुलभुले दुधकुण्ड, रुवालुङ झरना, झाँक्री गुफालगायतको अवलोकन भ्रमण गरिने चाम्लिङले बताए ।
यस्तै भ्रमणको दोस्रो दिन पुस ११ गते पुनः दिक्तेल रूपाकोट मझुवागढी नगरपालिकाकै ऐतिहासिक कालिका भगवती मन्दिर बुधेश्वर महादेव गुफा, हलेसी तुवाचुङ नगरपालिकास्थित मानव सभ्यताको उद्गमस्थल किराँतीहरूको आदिम भूमी तुवाचुङ जायजुम, त्रिधार्मिक स्थल हलेसी महादेवस्थान, मारतिका गुम्बा, बसाहास्थानलगायतको भ्रमण गरिने जनाइएको छ । उक्त भ्रमण कार्यक्रममा समन्वय समिति महासंघ नेपालका केन्द्रीय अध्यक्ष सिता सुन्दास, उपाध्यक्ष सन्तमान तामाङ र प्रवक्ता नवराज गेलाललगायतको उपस्थिति रहने सो कार्यक्रममा बताइएको छ ।
भ्रमण वर्षको अवसरमा अतथिलाई खोटाङका विभिन्न धार्मिक तथा पर्यटकीय स्थलहरूको भ्रमण गराएर खोटाङमा आन्तरिक तथा बाह्य पर्यटकको आगमनमा वृद्धि गराउने उद्देश्यस्वरूप भ्रमण कार्यक्रम राखिएको हो । दुई दिने भ्रमण कार्यक्रममा सातवटै प्रदेशका प्रदेश प्रमुख, १ नम्बर प्रदेशका सबै जिल्लाका समन्वय समिति प्रमुखहरूलाई आमन्त्रण गरिएको छ ।
१४ जिल्ला रहेको प्रदेश नम्वर १ मा जिसस महासंघले भ्रमण वर्ष खोटाङबाट शुभारम्भ गर्ने कार्यक्रमले जिल्लामा एक लाख बढी पर्यटक भित्र्याउने लक्ष्य रहेको संयोजक राईले बताए । जिल्ला समन्वय समिति खोटाङ व्यवस्थापक रहने कार्यक्रममा आएका पाहुनाहरूलाई दिक्तेल रूपाकोट मझुवागढी नगरपालिकाको चार, हलेसी तुवाचुङ नगरपालिकाको चार तथा अन्य आठ गाउँपालिकाको एक–एकवटा महत्वपूर्ण स्थानहरू समेटिएको फोटो मायाको चिनो स्वरूप प्रदान गरिने बताइएको छ । कार्यक्रम अवधिमा दुई लाख ५० हजार बढी खर्च हुने अनुमान गरिएको छ ।
क्याटेगोरी : नेपाल
ताजा अपडेट
- दार्चुलामा जीप दुर्घटना, छ जनाको घटनास्थलमै मृत्यु
- छुर्पीको अनिवार्य गुणस्तरसम्बन्धी मापदण्डको प्रस्ताव मन्त्रिपरिषद्मा पेस गरिने
- शुक्रबारका लागि यस्तो छ विदेशी मुद्राको विनिमय दर
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया