काठमाडौं, भदौ २८
कोरोना भाइरस रोकथामका लागि प्रयोग हुँदै आएको हेण्ड स्यानिटाइजरमा मानव स्वास्थ्यमा गम्भीर असर गर्ने मेथानोल नामक विषाक्त रसायन पाइएको छ । बजारमा पाइने हेण्ड स्यानिटाइजरको प्रयोगशाला परीक्षण गर्दा पाँचवटा कम्पनीको स्यानिटाइजरमा मेथानोल नामक विषाक्त रसायन पाइएको औषधि व्यवस्था विभाग (डीडीए)ले जनाएको छ । बजारमा उपलब्ध स्यानिटाइजरको नमूना संकलन गरी राष्ट्रिय औषधि प्रयोगशालामा परीक्षण गर्दा उक्त विषाक्त रसायन मेथानोल पाइएको डीडीएले शुक्रबार एक सूचना प्रकाशन गर्दै जनाएको छ ।
डीडीएका अनुसार नेपाल कायाकल्प उद्योग, भक्तपुरको इन्टेन्ट हेण्ड स्यानिटाइजर, हाइजिन सोप एण्ड केमिकलको इन्टेन्ट हेन्ड स्यानिटाइजर ओरिजिनल, आधार केमिकल एण्ड फुट इन्डष्ट्रीको एडभान्सड हेण्ड स्यानिटाइजर, सर्च केम कम हर्बल प्रोडक्ट्सको इन्टेन्ट हेन्ड स्यानिटाइजर रिफ्रेसिङ जेल र सूर्यमूखी हर्बल प्रोडक्ट्सको सूर्यमुखी हेण्ड स्यानिटाइजरमा मेथानोल भेटिएको हो ।
मेथानोलले मानव स्वास्थ्यमा गम्भीर नकारात्मक असर गर्ने भएकोले उक्त हेण्ड स्यानिटाइजर प्रयोग नगर्न तथा बिक्रीवितरणमा पनि रोक लगाउन डीडीएले आग्रह गरेको छ । उक्त कम्पनीहरुको हेण्ड सेनिटाइजरहरुको नमूना संकलन गरी राष्ट्रिय औषधि प्रयोगशालामा परीक्षण गर्दा तोकेको मापदण्ड इन्टेन्ट हेन्ड स्यानिटाइजर (अल्कोहल बेस्ड) सम्बन्धी स्तर २०७६ विपरित विषाक्त रसायन मेथानोल समावेश भएको पाइएको डीडीएले जनाएको छ । यस्तो गम्भीर त्रुटि गर्ने उत्पादकहरुलाई प्रचलित कानुनअनुसार कारबाही गरिने डीडीएका महानिर्देशक नारायण ढकालले बताएका छन् ।
क्याटेगोरी : नेपाल
ताजा अपडेट
- आठ वर्षपछि फेरि किन बढ्यो ‘लोडशेडिङ’ हुने डर ?
- युक्रेनलाई रुसी भूमिमा अमेरिकी क्षेप्यास्त्र प्रहार गर्ने अनुमति, रुसमा चर्को आक्रोश
- डेडिकेटेड ट्रंक लाइन बिबादमा टिओडी मिटर गणना गर्न विज्ञ समिति गठन
- मुख्यमन्त्री सिंहद्वारा भारतीय पक्षलाई विवाहपञ्चमीको निम्तोपत्र हस्तान्तरण
- जलवायु परिवर्तन न्यूनीकरणमा साझेदार गर्न नेपालको बङ्गादेशलाई आग्रह
- बेनी नगरपालिकामा तीन सय योजना कार्यान्वयनमा
- छुट्टाछुट्टै घटनामा दुईजनाको मृत्यु
- पशुपति आर्यघाटमा पूर्वसभामुख ढुंगानाको अन्त्येष्टि
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया