महेन्द्र शाही
दोलखा, भदौ २९
सोलुखुम्बुको लिखुपिके गाउँपालिकामा खरिद गरिएको पीसीआर मेसिन वडा नम्बर ५ किन्जामा राखिने भएको छ । लिखु हाइड्रोपावर, कोरियन जनमैत्री अस्पताल र गाउँपालिकाले संयुक्त रुपमा खरिद गरेको मेसिन किन्जामा राख्ने सहमति भएको गाउँपालिकाका अध्यक्ष डम्बर बहादुर बस्नेतले जानकारी दिए । उनका अनुसार हाइड्रोपावर र लिखुपिकेबासी सबैलाई पायक पर्ने भएकाले किन्जामा नै राख्ने सहमति भएको हो ।
हाल हाइड्रोपावरले अस्थायी रुपमा दुई जना स्वास्थ्यकर्मी व्यवस्थापन गरेर सञ्चालन गरिरहेको भए पनि निकट भविष्यमै जग्गा व्यवस्थापन गरेर स्थायी रुपमा सञ्चालन गरिने अध्यक्ष बस्नेतको भनाइ छ । जसका लागि मन्त्रालयसँग अनुमति अहिले लिन आफू काठमाडौंमा रहेको र अनुमति प्राप्त भएपछि कर्मचारी व्यवस्थापन गरेर दिगो रुपमा सञ्चालन गरिने उनको भनाइ छ ।
भौगोलिक विकटताका कारण पीसीआर परीक्षणमा लैजान समस्या हुने भएकाले गाउँपालिकामै मेसिन खरिद गरेको अध्यक्ष बस्नेतले बताए । ८५ लाख रुपैयाँमा खरिद गरिएको पीसीआर मेसिनका लागि हालसम्म एक करोडभन्दा बढी लगानी भइसकेको गाउँपालिकाले जनाएको छ ।
खर्चको व्यवस्थापन तत्काललाई हाइड्रोपावर र कोरियन संस्थाले गरेको बताइएको छ । मेसिन ल्याए स्थापना गरेसँगै गाउँपालिकाभित्रका व्यक्तिको पीसीआर परीक्षणका लागि बाहिर पठाउनुपर्ने बाध्यताको अन्त्य हुने विश्वास गरिएको छ । गाउँपालिकामा हाइड्रोपावरमा पनि सञ्चालनमा रहेकाले बाहिरबाट आउनेहरुको पीसीआर परीक्षणका लागि पनि सहज हुने विश्वास गरिएको छ ।
क्याटेगोरी : नेपाल
ताजा अपडेट
- आठ वर्षपछि फेरि किन बढ्यो ‘लोडशेडिङ’ हुने डर ?
- युक्रेनलाई रुसी भूमिमा अमेरिकी क्षेप्यास्त्र प्रहार गर्ने अनुमति, रुसमा चर्को आक्रोश
- डेडिकेटेड ट्रंक लाइन बिबादमा टिओडी मिटर गणना गर्न विज्ञ समिति गठन
- मुख्यमन्त्री सिंहद्वारा भारतीय पक्षलाई विवाहपञ्चमीको निम्तोपत्र हस्तान्तरण
- जलवायु परिवर्तन न्यूनीकरणमा साझेदार गर्न नेपालको बङ्गादेशलाई आग्रह
- बेनी नगरपालिकामा तीन सय योजना कार्यान्वयनमा
- छुट्टाछुट्टै घटनामा दुईजनाको मृत्यु
- पशुपति आर्यघाटमा पूर्वसभामुख ढुंगानाको अन्त्येष्टि
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया