घरजग्गा कारोबारी सहदेव कक्षपति ठगीको आरोपमा पक्राउ

काठमाडौं ।
काठमाडौँ महानगरपालिकाले सुरु गरेको अटो पार्किङको ठेक्का पाएपछि २०४९ सालबाट घरजग्गा कारोबारमो व्यवसाय सुरु गरेका सहदेव कक्षपति शनिबार ठगी र जालसाजी गरेको आरोपमा पक्राउ परेका छन् । आफूलाई विजय गच्छदारको सालो भन्दै ठगी गदै आएका कक्षपतिले पछिल्लो समय प्रधानन्यायाधीस चोलेन्द्र शमसेर राणाको नाम लिएर मुद्दा मिलाइदिन्छु भन्दै रकम उठाउँदै हिँडेका थिए । उनीसँगै रेवती ढकाल र विष्णु क्षेष्ठ पनि पक्राउ परेका छन् । उनले छम्पीमा दर्जनौँ किसानको उठीवास लगाएका छन् भने काठमाडौं प्लाजाका व्यापारीसँग पनि अदालत मिलाइदिन्छु भनी रकम असुलेका छन् । उनी तीन महिनादेखि फरार रहँदै आएका थिए । (आर्थिक दैनिकबाट)