पुरुष डबल ब्याडमिन्टन प्रतियोगिताको उपाधि पेम्बा र ग्याल्जेनको जोडिलाई

सोलुखुम्बु ।
खुला पुरुष डबल ब्याडमिन्टन प्रतियोगिताको उपाधि पेम्बा शेर्पा र ग्याल्जे शेर्पाको जोडिले हात पारेका छन् । सोलुखुम्बु जिल्लाको सदरमुकाम सल्लेरीमा सम्पन्न प्रतियोगिताको फाइनलमा अर्जुन श्रेष्ठ र बिपिन खालिङ राईको जोडीलाई पराजित गर्दै नेपाने युवा क्लवमा आबद्ध पेम्बा र ग्याल्जेको जोडीले उपाधि जितेको हो ।

उपाधि सहित उनीहरूले नगद २० हजारका साथमा ट्रफी, मेडल र प्रमाण पत्र प्राप्त गरेका हुन् । दोश्रो स्थान प्राप्त गर्ने अर्जुन र विपिनको जोडीलाई १५ हजार नगदका साथमा ट्रफी, मेडल र प्रमाण पत्र प्राप्त गरे । यस्तै तेश्रो स्थान प्राप्त गर्न सफल रघु खनाल र छिरिङ तामाङको जोडी र अर्जुन मगर र दावा शेर्पाको जोडीलाई १० हजार नगदको साथमा ट्रफी, मेडल र प्रमाण पत्र प्रदान गरिएको छ ।

प्रतियोगितामा ३० टिमको सहभागिता रहेको थियो । पेम्बा प्रतियोगिताको उत्कृष्ट खेलाडी समेत घोषित हुन सफल भए । शुक्रबार शुरु भएको प्रतियोगिताका विजेतालाई सोलुखुम्बुका प्रमुख जिल्ला अधिकारी गणेश बिक्रम शाहीले पुरस्कार वितरण गरेका थिए । बित्तिय कर्मचारी मञ्चको आयोजनामा भएको प्रतियोगितालाई आयोजकले सोलुखुम्बुको सर्वाधिक नगद पुरस्कार राशीको प्रतियोगिता भएको बताएको छ ।