काठमाडौं, पुस २५
राष्ट्रियसभा सदस्य निर्वाचन उम्मेदवारी दिएका कुनै पनि उम्मेदवारले नाम फिर्ता लिएनन् । आउँदो माघ ९ गते हुन गइरहेको निर्वाचनमा उम्मेदवारी दिएकाहरूलाई बिहीबार बिहान १० बजेदेखि चार बजेसम्म उम्मेदवारी फिर्ता लिने समय निर्वाचन आयोगले दिएको थियो । ‘मनोनयनपत्र दर्ता गरेका कुनै पनि उम्मेदवारले आफ्नो नाम फिर्ता नलिएको व्यहोरा अनुरोध छ’, निर्वाचन आयोगका सहसचिव एवं प्रवक्ता राजकुमार श्रेष्ठद्वारा जारी विज्ञप्तिमा भनिएको छ । आयोगका अनुसार उम्मेदवारहरूको अन्तिम नामावली शुक्रबार बिहान १० बजेदेखि दिनको १ बजेसम्म प्रकाशन गरिने र उम्मेदवारलाई निर्वाचन चिह्न एक बजेदेखि चार बजेसम्म दिइनेछ ।
सातवटा प्रदेशमा महिला समूहतर्फ ७, दलित समूहतर्फ २, अपाङ्गता भएका व्यक्ति वा अल्पसंख्यक समूहतर्फ २ र अन्य समूहतर्फ ७ गरी जम्मा १८ रिक्त पदका लागि महिला समूहतर्फ १६, दलित समूहतर्फ ५, अपाङ्गता भएको व्यक्ति वा अल्पसंख्यक समूहतर्फ ५ र अन्य समूहतर्फ १९ गरी कुल ४५ जनाले मनोनयनपत्र दर्ता गराएका थिए ।
प्रदेश नं. १ को मोरङ जिल्लाको विराटनगर, प्रदेश नं. २ को धनुषा जिल्लाको जनकपुर, प्रदेश नंं ३ को ललितपुर जिल्लाको ललितपुर, गण्डकी प्रदेशको पोखरा, प्रदेश नं. ५ को दाङ जिल्लाको घोराही, कर्णाली प्रदेशको सुर्खेत जिल्लाको विरेन्द्रनगर र सुदूरपश्चिम प्रदेशको डोटी जिल्लाको सिलगढीमा निर्वाचन अधिकृतको कार्यालयमा राष्ट्रियसभा सदस्य निर्वाचनको लागि पुस २० गते उम्मेदवारको मनोनयनपत्र दर्ता गराएको थियो ।
प्रदेश नं. १ बाट राष्ट्रियसभा सदस्य महिला समूहतर्फको रिक्त पदमा नेपाल कम्युनिष्ट पार्टी (नेकपा)का इन्दिरादेवी गौतम, नेपाली कांग्रेस पार्टीका मीना पुलामी मगर र समाजवादी पार्टीका कमला वडहीले, दलित समूहतर्फको रिक्त पदमा नेपाल कम्युनिष्ट पार्टी (नेकपा)का गोपीबहादुर सार्की आछामी, नेपाली कांग्रेस पार्टीका निरबहादुर विश्वकर्मा, र समाजवादी पार्टीका ज्ञानकुमार परियारले अन्य समूहतर्फको रिक्त पदमा नेपाल कम्युनिष्ट पार्टी (नेकपा)का देवेन्द्र दाहाल, नेपाली कांग्रेस पार्टीका राजेन्द्रकुमार घिमिरे र समाजवादी पार्टीका भरतराज दाहालले निर्वाचन अधिकृतको कार्यालय, मोरङमा मनोनयनपत्र दर्ता गराएका छन् ।
प्रदेश नं. २ बाट राष्ट्रियसभा सदस्य महिला समूहतर्फको रिक्त पदमा नेपाल कम्युनिष्ट पार्टी (नेकपा)का तुलसाकुमारी दाहाल र नेपाली कांग्रेस पार्टीका नगिना यादवले, दलित समूहतर्फको रिक्त पदमा नेपाल कम्यूनिष्ट पार्टी (नेकपा)का राधेश्याम पासवान र समाजवादी पार्टीका रामपृत पासवानले, अपाङ्गता भएको व्यक्ति वा अल्पसंख्यक समूहतर्फको रिक्त पदमा राष्ट्रिय जनता पार्टी नेपालका शेखरकुमार सिंह र नेपाली कांग्रेस पार्टीका भोला पञ्जियारले र अन्य समूहतर्फको रिक्त पदमा राष्ट्रिय जनता पार्टी नेपालका मृगेन्द्रकुमार सिंह यादव र समाजवादी पार्टीका अनिरुद्धकुमार सिंहले मनोनयनपत्र दर्ता गराएका थिए ।
प्रदेश नंं ३ बाट राष्ट्रियसभा सदस्य महिला समूहतर्फको रिक्त पदमा नेपाल कम्युनिष्ट पार्टी (नेकपा)का गंंगाकुमारी वेल्वासे, नेपाली कांग्रेस पार्टीका छलीकुमारी शर्मा उपाध्याय र नेपाल मजदुर किसान पार्टीका गीता काफ्लेले, अन्य समूहतर्फको रिक्त पदमा नेपाल कम्युनिष्ट पार्टी (नेकपा)का वेदुराम भुषाल, नेपाली कांग्रेस पार्टीका हरिशरण श्रेष्ठ र नेपाल मजदुर किसान पार्टीका कृष्णबहादुर तामाङले निर्वाचन अधिकृतको कार्यालय, ललितपुुरमा मनोनयनपत्र दर्ता गराएको छ ।
गण्डकी प्रदेशको राष्ट्रियसभा सदस्य महिला समूहतर्फको रिक्त पदमा नेपाल कम्युनिष्ट पार्टी(नेकपा)का भगवती न्यौपाने र नेपाली कांग्रेस पार्टीका बिमला गौचनले, अन्य समूहतर्फको रिक्त पदमा नेपाल कम्युनिष्ट पार्टी (नेकपा)का नारायण काजी श्रेष्ठ, राष्ट्रिय जनमोर्चा पार्टीका शंकरप्रसाद बराल र नेपाली कांग्रेस पार्टीका सूर्यप्रसाद रेग्मीले मनोनयनपत्र दर्ता गराएका थिए ।
प्रदेश नं. ५ बाट राष्ट्रियसभा सदस्य महिला समूहतर्फको रिक्त पदमा नेपाल कम्युनिष्ट पार्टी (नेकपा)का बिमला घिमिरे र नेपाली कांग्रेस पार्टीका गिरिजादेवी न्यौपानेले, अपाङ्गता भएको व्यक्ति वा अल्पसंख्यक समूहतर्फको रिक्त पदमा नेपाल कम्युनिष्ट पार्र्टी (नेकपा)का जगप्रसाद शर्मा, नेपाली कांग्रेस पार्टीका मेराज अहमद हलवाई, समाजवादी पार्टीका सुनिलकुमार सिंघलले र अन्य समूहतर्फको रिक्त पदमा नेपाल कम्युनिष्ट पार्र्टी (नेकपा)का गोपाल भट्टराई, नेपाली कांग्रेस पार्टीका बालकृष्ण पाण्डे, समाजवादी पार्टीका कृष्णप्रसाद अहिर र राष्ट्रिय जनमोर्चाका शिवप्रसाद पौडेलले मनोनयनपत्र दर्ता गराएका छन् ।
कर्णाली प्रदेशबाट राष्ट्रियसभा सदस्य महिला समूहतर्फको रिक्त पदमा नेपाली कांग्रेस पार्टीका गणेश कुमारी बस्नेत र नेपाल कम्युनिष्ट पार्र्टी (नेकपा)का सुमित्रा विसीले र अन्य समूहतर्फको रिक्त पदमा नेपाली कांग्रेस पार्टीका डिल्लीराम पाठक र नेपाल कम्युनिष्ट पार्टी (नेकपा)का मायाप्रसाद शर्माले मनोनयनपत्र दर्ता गराएका थिए । सुदूरपश्चिम प्रदेशबाट राष्ट्रियसभा सदस्य महिला समूहतर्फको रिक्त पदमा नेपाली कांग्रेस पार्टीका तुलसी देवकोटा र नेपाल कम्युनिष्ट पार्टी (नेकपा)का शारदादेवी भट्टले र अन्य समूहतर्फको रिक्त पदमा नेपाल कम्युनिष्ट पार्टी (नेकपा)का तारामान स्वांर र नेपाली कांग्रेस पार्टीका प्रताप सिंह ठगुन्नाले मनोनयनपत्र दर्ता गराएका थिए ।
क्याटेगोरी : नेपाल
ताजा अपडेट
- दार्चुला जीप दुर्घटना: आठ जनाको मृत्यु, पाँच घाइते
- कोप–२९ मा सहभागी भई स्वदेश फर्किए राष्ट्रपति
- ‘नेक’ प्रादेशिक छात्रवृत्तिको प्रवेश परीक्षा मंसिर दुई गते
- टेकस्पायर स्टार्टअप एन्ड आईडिया फेस्ट सुरु
- हेटौँडा सिमेन्ट उद्योग सञ्चालनमा ढिलाइ
- उत्पादनको क्षेत्रमा जोड दिन निजी क्षेत्रलाई आग्रह
- तेस्रो पटक पनि राष्ट्रपति बन्ने ट्रम्पको इच्छा
- बाह्य व्यापार र निकासीमा अनुदान
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया