धनबहादुर जप्रेल
कञ्चनपुर, माघ १७
महेन्द्रनगरमा निर्माण भएको सिटीहल निर्माण कार्य सम्पन्न भई सक्दा पनि प्रयोगमा आउन सकेको छैन । तत्कालीन नगर विकास समितिले निर्माण गरेको सिटीहल निर्माण कार्य सम्पन्न भई सकेको वषौँ भए पनि हालसम्म हस्तान्तरण हुन सकेको छैन । सरकारले तत्कालीन नगर विकास समितिलाई विघटन गरेपछि नयाँ कार्यसमिति गठन गर्न ढिलाइ गरेका कारण भवन हस्तान्तरण हुन नसकेको हो ।
हाल उक्त भवन जीर्ण अवस्थामा रहेको देखिन्छ । भवनको अगाडि लगाइएको सिसा फुटेको छ भने भवनको दिवालमा समेत चिरा परिसकेको छ । उक्त सिटीहल करिब नौ करोडको लागतमा निर्माण गरिएको हो । भवनको संरक्षण र रेखदेखका लागि भन्दै ठेकेदारले चौकीदारको व्यवस्था गरेको छ । उक्त भवनको अगाडि लगाइएको सिसा गत वैशाखमा आएको हावाले फुटाएको र उक्त सिसा मर्मत गर्ने जिम्मा ठेकेदारको नै हुने तत्कालीन नगर विकास समितिका नायब सुब्बा पुष्पराज भट्टले बताए ।
यस्तै तत्कालीन महेन्द्रनगर नगर विकास समिति सरकारले खारेज गरेपछि सम्पन्न भइसकेको महेन्द्रनगर सिटीहल अझै हस्तान्तरण हुनेमा अन्यौल देखिएको छ । नेपाल सरकारले गत पुस २३ गते गरेको निर्णयले नगर विकासको काम नगरपालिका तथा स्थानीय तहलाई दिने निर्णय गरेपछि नगर विकास अन्यौलमा परेको हो । हाल नगर विकास समिति संघीय आयोजना इकाइ डिभिजन कार्यालय मातहत रहेर हाजिर लगाउने काम भइरहेको तत्कालीन नगर विकास समितिका सूचना अधिकारी तथा नायब सुब्बा पुष्पराज भट्टले बताए । उनका अनुसार हाल कर्मचारीहरू नगर विकासको कामको जिम्मा नपाएर हाजिर मात्र लगाउने काम गरिरहेका छन् ।
यस्तै कञ्चनपुरको महेन्द्रनगर सिटीहलको निर्माण कार्य सम्पन्न भइसकेको भए पनि ठेकेदारको पैसा तिर्न नसकेकोले हस्तान्तरणको काम रोकिएको नगर विकासका नायब सुब्बा भट्टले बताए । उनका अनुसार हालसम्म सिटीहल निर्माणमा करिब साढे नौ करोड रूपैयाँ खर्च भइसकेको छ । तर, हाल ठेकेदारको पैसा तिर्न काम समिति नहुँदा रोकिएकाले हस्तान्तरणको काम पनि रोकिएको हो । तत्कालीन नगर विकास समिति विघटन भएपछि ऐनबमोजिम पालिकाको प्रमुख नगर विकासको संयोजकत्वमा आउने ऐनअनुसार नयाँ समिति आउन नसकेकाले उक्त पैसा भुक्तानी गर्न नसकिएको हो ।
उक्त सिटिहल हाल हस्तान्तरण हुन नसकेकाले कुनै पनि प्रयोजनमा ल्याउन सकिएको छैन । हाल प्रयोग र व्यवस्थापन नहुँदा प्रयोगमै नआई जीर्ण अवस्थामा रहेको स्थानीयहरू बताउँछन् । हाल नेपाल सरकारले नगर विकासको काम स्थानीय तहलाई दिने निर्णय गरेपछि नगर विकास समितिलाई विघटन गरेर संघीय आयोजना इकाइ डिभिजनद्वारा सञ्चालन भइरहेको संघीय आयोजना इकाइ प्रमुख सुरेश वाग्लेले बताए । ठेकेदारको बिल भुक्तानी गरेर भवनलाई हस्तान्तरण गर्नका लागि मन्त्रालयमा काम भइरहेको र अब चाँडै नै हस्तान्तरण गरिने उनले बताए ।
क्याटेगोरी : नेपाल
ताजा अपडेट
- आजदेखि निर्वाचन आचारसंहिता लागू, उल्लङ्घन गरे कारबाही
- स्थानीय तह उपनिर्वाचनका लागि आज मनोनयन
- चैनपुर सेतीसहित १४ वटा आयोजनाको विद्युत् अनुमतिपत्र जारी
- यस्तो छ आजका लागि तय भएको विदेशी मुद्राको विनिमय दर
- निर्यात बढाउन हरसम्भव प्रयत्न गर्ने प्रतिबद्धता
- बेलायतद्वारा जलवायु परिवर्तनका असर घटाउन गरेका प्रतिबद्धताअनुसार सहयोग हुन्छ : विशेष प्रतिनिधि क्याथे
- मोटरसाइकल दुर्घटनामा एकको मृत्यु
- यस्तो छ आजका लागि विदेशी मुद्राको विनिमय दर
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया