भोटेनाम्लाङमा एउटै ढुंगामा ८० फिटको बुद्धको मूर्ति बन्ने
दिपक खत्री २०७८, पुस ५ ११:०० 
सिन्धुपाल्चोक । सिन्धुपाल्चोकको पाँचपोखरी थाङपाल गाउँपालिका वडा नं ७ भोटेनाम्लाङमा रहेको ठूलो एउटै ढुंगामा ८० फिट उचाइको बुद्धको मूर्ति निर्माण हुने भएको छ ।
लगभग पाँच करोडको लागतमा गाउँपालिका र नेपाल ललितकला प्रज्ञा प्रतिष्ठान, मूर्तिकला विभागको संयुक्त आयोजनामा सो मूर्ति स्थापना गरिन लागिएको हो । एसिया क्षेत्रमा एउटै प्राकृतिक ढुंगामा कलाकारले बुद्धको आकृतिको मूर्ति निर्माण गर्नेछन् । ठूलो ढुंगासहित पालिकाभित्र रहेको पाचँपोखरी, हबेली, ड्रागन गुफा, नागिथाम डाँडाजस्ता पर्यटकीय स्थलहरूको प्रचारप्रसार राष्ट्रिय तथा अन्तर्राष्ट्रिय स्तरसम्म पु-याउँदै पर्यटकीय गन्तव्यको केन्द्र बनाउने उद्देश्यका साथ बुद्ध मूर्ति निर्माण गर्न लागिएको गाउँपालिकाका अध्यक्ष टासी लामाले बताए । दुई वर्षभित्रमा मूर्तिको निर्माणकार्य सकिने गाउँपालिकाले जनाएको छ ।
आन्तरिक र बाह्य पर्यटक भित्र्याएर आम्दानीको स्रोत बढाउने लक्ष्य गाउँपालिकाको रहेको छ । ढुंगामा मूर्ति कोर्न मात्रै दुई करोड लाग्ने गाउँपालिकाका अध्यक्ष लामाले जानकारी दिए । यसवर्ष मूर्ति कुँद्नको लागि बागमती प्रदेश सरकारले ५२ लाख बजेट विनियोजन गरेको छ । ८० फिटको बुद्धको मूर्तिवरिपरि कन्फरेन्स हल, रेष्टुरेन्ट, गुफा, मेडिटेसन गर्ने स्थान तथा सानासाना मूर्ति रहनेछन् ।
शनिबार मूर्तिको शिलान्यास पूर्वकानुन मन्त्री तथा नेकपा एमालेका सांसद शेर बहादुर तामाङले गरेका छन् । देशको घुम्नलायक एक सय गन्तव्यभित्रको १६औँ स्थानमा पर्न सफल पाचँपोखरी कुण्डसहित विभिन्न पर्यटकीयस्थल रहेको पालिका पाचँपोखरी थाङपाल गाउँपालिका हो ।
क्याटेगोरी : नेपाल
ताजा अपडेट
- यस्तो आजका लागि विदेशी मुद्राको विनिमय दर
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया