सुबास बस्नेत
दोलखा, माघ २३
दोलखा उत्तरी क्षेत्र बिगु गाउँपालिकामा निर्माणाधीन अवस्थामा रहेको राष्ट्रिय गौरवको चार सय ५६ मेगावाटको माथिल्लो तामाकोशी जलविद्युत् आयोजनाबाट चैत्र मसान्तसम्म विद्युत् उत्पादन गर्ने लक्ष्य पूरा नहुने देखिएको छ । आयोजनाको कठिन काम मानिएको तल्लो भर्टिकल साफ्ट तथा माथिल्लो भर्टिकल साफ्टमा पेन स्टक जडानमा भएको ढिलाइले चैत्र मसान्तसम्ममा परीक्षण उत्पादन गर्ने लक्ष्य पूरा नहुने देखिएको हो ।
असार १ गतेबाट तल्लो भर्टिकल साफ्टमा तथा माथिल्लो भर्टिकल साफ्टमा असार १० गतेबाट पेनस्टक जडान गर्न सुरु गरिए पनि सात महिनाको अवधिमा जम्मा तीन सय मिटर मात्र पेनस्टक जडान सम्पन्न भएको छ । पेनस्टक जडानमा भएको ढिलाइका कारण चैत्र मसान्तसम्ममा परीक्षण उत्पादन सुरु नहुने देखिएको हो । माघ २० गते सम्ममा करिब तीन सय ९० मिटरको तल्लो भर्टिकल साफ्टमा दुई सय मिटर र तीन सय १० मिटरको माथिल्लो भर्टिकल साफ्टमा एक सय मिटर पेनस्टक पाइप जडान भएको आयोजना प्रमुख दिनेशजंग राणाले जानकारी दिए । लट २ को हाइड्रो मेकानिकलको भारतीय ठेकेदार कम्पनी टेक्सम्याको रेल्वे इञ्जिनियरिङले काममा ढिलाइ गरेपछि माथिल्लो तामाकोशी जलविद्युत् आयोजना, टेक्सम्याको र एन्द्रिजबीचमा त्रिपक्षीय सम्झौता भई तल्लो भर्टिकल साफ्टमा पेनस्टक जडानको काम एन्द्रीजलाई दिइएको थियो ।
माथिल्लो भर्टिकल साफ्टमा टेक्सम्याकोले नै पेनस्टक जडानको काम गरिरहेको छ । पछिल्लो चरणमा पेनस्टक जडानको कामको गति सन्तोषजनक रहेकोले वैशाख ३ गतेसम्ममा पेनस्टक जडानको काम सकिने आयोजना प्रमुख राणाको भनाइ छ । पावरहाउसभित्र पेनस्टकसँग सम्बन्धित अन्य काम सक्न करिब २ महिना लाग्ने भएकोले सो काम सम्पन्न भएपछि असार महिनाभित्र सुरुङमा पानी पठाई परीक्षण गरिने आयोजना प्रमुख राणाले बताए ।
असारमा परीक्षण उत्पादन हुन सक्ने :- असारमा सुरुङ तथा पेनस्टकको परीक्षण सफल भएमा असार मसान्तसम्ममा विद्युतगृहमा जडान गरिएका ६ युनिटमध्ये एक युनिटबाट परीक्षण उत्पादन सुरु गर्न सकिने आयोजनाका प्रवक्ता डाक्टर गणेशप्रसाद न्यौपानेले बताए । न्यौपानेका अनुसार अहिले विद्युतगृहमा इलेक्ट्रो मेकानिकलको काम करिब सम्पन्न भइसकेको छ । यसैगरी सुरुङको कङ्क्रिटीङको काम पनि अन्तिम चरणमा पुगेको छ ।
आयोजनाको ट्रान्समिसन लाइन निर्माणको काम करिब समाप्त भइसकेको छ । रामेछापको फुलासीमा सवस्टेशन निर्माणको कामअन्तर्गत सिभिल संरचनाको निर्माण अन्तिम चरणमा पुगेको न्यौपानेको भनाइ छ । सिभिल संरचनाको काम सम्पन्न भएपछि असार सम्ममा सवस्टेशनमा आवश्यक उपकरण जडान गर्ने काम सम्पन्न हुने प्रबक्ता न्यौपानेले बताए । प्रवक्ता न्यौपानेका अनुसार अहिलेसम्म आयोजना निर्माणमा करिब ४८ अर्ब खर्च भइसकेको छ । डलरमा भएको मूल्य वृद्धि, ऋणको ब्याज, प्रशासनिक खर्चलगायका कारण आयोजना समाप्त हुँदासम्म आयोजनाको लागत ७२ अर्बभन्दा केही बढी हुन सक्ने उनको अनुमान छ । समग्रमा आयोजनाको प्रगति ९९ सय प्रतिशत पुगेको माथिल्लो तामाकोशी जलविद्युत् आयोजनाले बताएको छ ।
क्याटेगोरी : नेपाल
ताजा अपडेट
- तनहुँ बस दुर्घटनाः बस चालकको मृत्यु
- परिवार नियोजन सङ्घको केन्द्रीय अध्यक्षमा डा श्रेष्ठ निर्वाचित
- रवि लामिछानेविरुद्ध काठमाडौँबाट पक्राउ पुर्जी जारी
- राष्ट्रपतिसमक्ष नवनियुक्त राजदूतको शपथ
- रास्वपाले दोस्रो चरणको आन्दोलन चलाउने
- साइबर प्रविधिमा आधारित ठगीमा विद्यार्थी बढी संलग्नः राष्ट्र बैंक
- जानकी विवाह महोत्सवको निम्तो दिन मुख्यमन्त्रीको टोली अयोध्या प्रस्थान
- बीमा प्राधिकरण र एक्चुरियल सोसाइटीबीच सम्झौता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया