जयपृथ्वी नगरपालिका साक्षर घोषणा
आशिष बहादुर सिंह २०७८, फागुन १३ ११:१९ 
बझाङ ।बझाङको सदरमुकाम समेत रहेको जयपृथ्वी नगरपालिकालाई साक्षर नगर घोषणा गरिएको छ । नगरपालिकालाई बुधबार एक कार्यक्रमका बीच साक्षर नगर घोषणा गरिएको हो । घोषणा कार्यक्रमको पूर्वसन्ध्यामा नगर क्षेत्रका विभिन्न वार्डको अनुगमन समेत गरिएको थियो ।
नगरपालिकाले अनुगमन टोली गठन गरेर अनुगमन गरी साक्षर घोषणा गरेको हो । दुर्ई वर्षअगाडि जयपृथ्वी नगरपालिकाका मेयर विरेन्द्र बहादुर खड्काको अध्यक्षतामा अनुगमन टोली गठन गरिएको थियो । १८ जना सहजकर्ताहरुले गाउँमा गएर साक्षरतासम्बन्धी डाटा संकलन गरेका थिए ।
प्रगतिशील युवा समाज र नगरपालिकाको साझेदारीमा साक्षरता अभियान चलाएको नगरपालिकाले जनाएको छ । नगरक्षेत्रका ११ वटै वडामा सहजकर्ताहरु पठाएर अनुगमन गर्दा ९५ प्रतिशतभन्दा बढीले लेखपढ गर्नसक्ने अर्थात् साक्षर व्यक्ति रहेको पाइएको जयपृथ्वी नगरपालिका शिक्षा शाखा संयोजक राजेन्द्र जोशीले बताए । अनुगमनमा घरधुरी, घरको मुली, परिवार सदस्य संख्या, साक्षर व्यक्ति, निरक्षर व्यक्ति, १५ वर्षमुनिको उमेर समूह तथा ६० वर्षभन्दा माथि उमेर समूहका व्यक्तिलगायतको विषयमा सर्भेफारम समेत भरिएको बताइएको छ ।
सरकारको मापदण्डअनुसार ९५ प्रतिशत व्यक्ति साक्षर रहेको अवस्थामा साक्षर गाउँ, नगर तथा जिल्ला घोषणा गर्नसक्ने व्यवस्था रहेको छ । सो मापदण्डअनुसार जयपृथ्वी नगरपालिकामा साक्षर व्यक्ति ९५ प्रतिशतभन्दा बढी रहेकाले साक्षर नगर घोषणाका लागि उपयुक्त रहेको जयपृथ्वी नगरपालिका प्राविधिक सहायक देविन्द्र जोशीले जानकारी दिए । उनका अनुसार नगरपालिकाकामा करिब एक हजार पाँच सय निरक्षर व्यक्तिहरुको डाटा संकलन भएको थियो । उनीहरुलाई साक्षरता सहजकर्ताहरु पठाएर दुई वर्षसम्म साक्षरता कार्यक्रम सञ्चालन गरी नगरपालिका साक्षर घोषणा गरिएको हो ।
क्याटेगोरी : नेपाल
ताजा अपडेट
- कालीगण्डकी करिडोरले मुक्तिनाथ र लुम्बिनी जोड्दै
- देशका अधिकांश भागमा पश्चिमी वायुको प्रभाव यथावत
- आजको लागि विदेशी मुद्राको विनिमय दर
- अरुण नदीमा पूजा गर्ने क्रममा एक जना बेपत्ता
- चार महिनामा साढे चार खर्ब व्यापार घाटा
- ‘क्रेडिट रेटिङ’ पछि नेपालले लिनुपर्ने लाभ के हो ?
- समाजवाद स्थापना नभएसम्म क्रान्तिबाट विश्राम लिइन्न : महासचिव चन्द
- कञ्चनपुरको कलुवापुरमा बस दुर्घटना हुँदा ३१ जना घाइते
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया