स्पिकर फिर्ता नदिएको निहुँमा साथीको हत्या
सुबास बस्नेत २०७८, फागुन १६ १०:४२ 
दोलखा । सामान्य स्पिकर फिर्ता नदिएको निहुँमा तीन जना युवक मिलेर आफ्नै साथीको हत्या गरेको पाइएको छ । जिल्ला प्रहरी कार्यालय दोलखाले भीमेश्वर नगरपालिका वडा नम्बर–३ का १६ वर्षीय साहिल तमाङको हत्यामा संलग्न उनकै साथीहरूलाई पक्राउ गरेको हो ।
पक्राउ पर्नेमा भीमेश्वर नगरपालिका वडा नम्बर–३ का २० वर्षीय पुष्कर थामी, सोही वडाका ११ र १३ वर्षीय दुईजना नाबालक रहेको प्रहरीले जनाएको छ । प्रहरीले आइतबार पत्रकार सम्मेलन गर्दै तामाङको हत्या संलग्नहरूको बारेमा जानकारी दिएको हो । जिल्ला प्रहरी कार्यालय दोलखाका प्रवक्ता एवं प्रहरी निरीक्षक अञ्जन कोइरालाका अनुसार गत शुक्रबार दिउँसो तामाङको शव आधा गाडिएको तथा हातखुट्टा र अनुहार छोपिने गरी मेडिकल टेपले बेरिएको अवस्थामा फेला परेको थियो । बाँदर लखेट्ने क्रममा स्थानीयले आधा गाडिएको शव देखेपछि प्रहरीलाई खबर गरेका थिए । प्रहरीले पहिचान नभएको शव फेला परेपछि चारैतिर शव पहिचानका लागि सादा पोसाकमा प्रहरी परिचालन गरिएको थियो । आफन्तले मृतकको पहिचान गरेसँगै जिल्ला प्रहरी कार्यालय दोलखाका प्रमुख डीएसपी गंगाप्रसाद पौडेलसहितको अनुसन्धान टोलीले घटनाको प्रारम्भिक अनुसन्धान थालेको थियो ।
प्रहरीका अनुसार हत्यामा संलग्न र मृतक चारै जना मिल्ने साथी भए पनि मृतक तामाङ र थामीबीच स्पिकरको विषयमा विवाद भएको थियो । दुई हजार पाँच सय रूपैयाँ पर्ने उक्त स्पिकर तामाङले लिएर फिर्ता गरेका थिएनन् । तामाङले स्पिकर फिर्ता गर्न आलटाल गरेपछि थामीले अन्य दुई जना मिलेर उनको हत्या गरेको बयान दिएका छन् ।
गत फागुन ७ गते शनिबार मृतक तामाङसहित चारै जना सिकार खेल्न भन्दै जंगलमा गएका थिए । सोही समयमा तामाङ र थामीबीच स्पिकर फिर्ता नदिएको विषयमा झगडा भएको थियो । झगडा हुँदा थामीले तामाङको टाउकोमा लौरोले प्रहार गरेपछि उनी अचेत भएका थिए । अचेत भएको साथीलाई थामीले दुई साथीसँग मिलेर हातखुट्टा र नाकमुख पूरै छोपिने गरी अनुहारमा मेडिकल टेपले लगाई खाल्डो खनेर गाडेको प्रहरीसमक्ष बयान दिएको प्रहरीले जनाएको छ । हत्याको बारेमा थप अनुसन्धान भइरहेको प्रहरीले जनाएको छ ।
क्याटेगोरी : नेपाल
ताजा अपडेट
- कालीगण्डकी करिडोरले मुक्तिनाथ र लुम्बिनी जोड्दै
- देशका अधिकांश भागमा पश्चिमी वायुको प्रभाव यथावत
- आजको लागि विदेशी मुद्राको विनिमय दर
- अरुण नदीमा पूजा गर्ने क्रममा एक जना बेपत्ता
- चार महिनामा साढे चार खर्ब व्यापार घाटा
- ‘क्रेडिट रेटिङ’ पछि नेपालले लिनुपर्ने लाभ के हो ?
- समाजवाद स्थापना नभएसम्म क्रान्तिबाट विश्राम लिइन्न : महासचिव चन्द
- कञ्चनपुरको कलुवापुरमा बस दुर्घटना हुँदा ३१ जना घाइते
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया