काठमाडौं । नेपाल अडिटर्स एसोसिएसन (अडान)ले राज्यका विभिन्न निकायको लेखापरीक्षण चार्टर्ड एकाउन्टेटबाट मात्र गराउने व्यवस्था हटाउन माग गरेको छ । उक्त व्यवस्था विभेदकारी भएको भन्दै अडानले त्यसलाई तत्काल सच्च्याई ‘नेपाल चार्टर्ड एकाउन्टेन्ट्स संस्थाबाट मान्यताप्राप्त लेखापरीक्षकबाट सम्बन्धित निकायको लेखापरीक्षण गरिनेछ’ भन्ने व्यवस्था गर्न माग गरेको छ ।
अडानको पाचौँ राष्ट्रिय महाधिवेशनपछिको सातौँ बैठकले लेखापरीक्षकहरूमाथि भए/गरेका विभेदहरूको अन्त्य गर्न, देशको अर्थतन्त्रमा देखिएका समस्याहरूको समाधान, बढ्दो मूल्यवृद्धि कम गर्न तीनवटै तहका सरकारको ध्यानाकर्षण समेत गराएको छ । यस्तै बैठकले छैटौँ राष्ट्रिय महाधिवेशन २०७९ जेठ २० र २१ गते काठमाडौंमा गर्ने निर्णय पनि गरेको छ । अडानका अध्यक्ष मोहनराज रेग्मीको अध्यक्षतामा शुक्रबार र शनिबार बसेको बैठकले जनसरोकारका १७ बुँदे विशेष प्रस्तावहरू समेत पारित गरेको अडानले विज्ञप्तिमार्फत जानकारी दिएको छ ।
अडानले देशमा हाल देखापरेको तरलता अभाव, कोभिडबाट प्रभावित आर्थिक अवस्था, न्यायालयमा देखा परेका समस्याहरूलाई सुझबुझपूर्ण समन्वयबाट समाधान गर्न सरकारसँग माग गरेको छ । यस्तै रसियाले युक्रेनमा गरेको हमलाले विश्वको पछिल्लो राजनीतिलाई तरङ्गित तुल्याएको भन्दै दुवै देशका बीचमा भएको युद्धले विश्वको अर्थव्यवस्थामा हलचल ल्याएको, रसिया र युक्रेनबीचको तनावसँगै कच्चा तेलमा अस्वाभाविक मूल्यवृद्धि हुनाका साथै सुन, चाँदीलगायतका वस्तुहरू महँगिएकोले विश्व सेयर बजारलाई नराम्रोसँग असर गरिरहेको अडानले जनाएको छ । अडानले युद्ध अन्त्य र शान्तिका लागि अपिल समेत गरेको छ ।
विसं २०५३ मा नेपाल चार्टर्ड एकाउन्टेन्टस ऐन जारी हुँदाका बखत नै रजिस्टर्ड अडिटरहरूका सम्बन्धमा विभेदकारी प्रावधानहरू कायम भएकोले अडानले आफ्नो स्थापनाकालदेखि नै यसमा सुधार गर्नुपर्ने माग गर्दै आएको जनाएको छ । नेपाल चार्टर्ड एकाउन्टेन्ट्स ऐन २०५३ को संसोधन गरी परिवर्तित परिस्थतिमा नयाँ ऐन जारी गर्न पनि अडानले सरकारसँग माग गरेको छ । अडानले ७० वर्षदेखिको नेपालीको गणतन्त्रमार्फत राष्ट्रिय पुँजीको निर्माण गर्दै समाजवादउन्मुख अर्थतन्त्र विकास गर्ने परिकल्पना साकार पार्ने काममा सबै राजनीतिक पार्टी, सामाजिक अभियन्ता र विद्वत वर्ग आपसि मनोमालिन्य र संकीर्णताबाट माथि उठी देशकोे विकासमा लाग्नुपर्नेमा जोड दिएको छ ।
क्याटेगोरी : नेपाल
ताजा अपडेट
- अरुण नदीमा पूजा गर्ने क्रममा एक जना बेपत्ता
- चार महिनामा साढे चार खर्ब व्यापार घाटा
- ‘क्रेडिट रेटिङ’ पछि नेपालले लिनुपर्ने लाभ के हो ?
- समाजवाद स्थापना नभएसम्म क्रान्तिबाट विश्राम लिइन्न : महासचिव चन्द
- कञ्चनपुरको कलुवापुरमा बस दुर्घटना हुँदा ३१ जना घाइते
- इन्भेष्टमेन्ट कम्पनीको शेयर कारोबारसम्बन्धी नयाँ प्राबधान
- काठमाडौँमा शनिबार तीन शव भेटिए
- चिनियाँ दूतावासद्वारा ‘क्षत्रपाटी निःशुल्क चिकित्सालय’ लाई विद्युतीय सवारी हस्तान्तरण
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया