काठमाडौं । बीपी कोइराला स्वास्थ्य विज्ञान प्रतिष्ठान, धरानको इमर्जेन्सी वार्डको स्तरोन्नति गरी अझ बढी सुविधासम्पन्न बनाइएको छ । इमर्जेन्सीमा आउने बिरामीहरुलाई थप सुलभ र अझ बढी प्रभावकारी ढंगले उपचार सुविधा उपलब्ध गराउन नयाँ–नयाँ मेडिकल उपकरणहरु तथा बेडहरुमा उल्लेख्य रुपमा वृद्धि गरिएको हो ।
प्रतिष्ठानका सह–प्रवक्ता डा. चुरामणि पोखरेलका अनुसार बिरामीहरुको चापलाई मध्यनजर गर्दै २० थान बेड तथा १५ थान ट्रली पनि थप गरिएको छ । साथै सिकिस्त तर भेन्टिलेटरको आवश्यक नपर्ने बिरामीहरुका लागि एचडीयू (हाई डिपेन्डेन्सी यूनिट) बेडहरु पनि जडान गर्ने योजना छ । यस्तै आवश्यकता अनुसार बेडको संख्यामा पनि वृद्धि गर्दै लगिने योजना रहेको उनले बताए ।
उनका अनुसार इमर्जेन्सीमा आउने बिरामीहरुको चाप आप्mनो क्षमताभन्दा सधैँजसो अधिक हुने गरेको छ । इमर्जेन्सी वार्डमा चिकित्सकहरुको कमी हुन नदिने उद्देश्यले थप चिकित्सकहरुको लागि विज्ञापन खोलिसकिएको पोखरेलले जानकारी दिए । यस्तै इमर्जेन्सीभित्रका आवश्यक स्थानहरुमा १० थान प्यासेन्ट मोनिटर पनि जडान गरिएको छ । यसले बिरामीको स्वास्थ्य अवस्थाबारे लगातार मोनिटरिङ गरी बिरामीको गुणस्तरीय उपचार गर्न थप सहयोग मिल्नेछ ।
साथै सिकिस्त बिरामीहरुका लागि डिफिब्रिलेटर, विपाप मेसिन, उच्च प्रवाह उपकरणजस्ता उपकरणहरु पनि थप गरिएको छ भने आपत्कालीन दुर्घटना कार्ट पनि थप गरिएको छ । इमर्जेन्सी ल्याबबाट दिइने सेवाहरुलाई अझ बढी दु्रत गतिमा उपलब्ध गराउने व्यवस्था गरिएको छ । इमर्जेन्सीमा आउने बिरामीहरुका लागि आवश्यक पर्ने सम्पूर्ण परीक्षणहरु इमर्जेन्सी ल्याबबाट नै गर्न सकिने व्यवस्था पनि गरिएकोले विरामीले परीक्षणका लागि प्रतिष्ठान बाहिर जानु नपर्ने पोखरेलले बताए ।
बिरामीहरुलाई दबाब दिई वा विभिन्न प्रलोभन देखाई प्रतिष्ठानबाहिर परीक्षण गर्न पठाउने गरेको पाइएमा जोसुकैलाई पनि प्रतिष्ठानले कडा कारबाही गर्ने समेत उनले बताए । उनका अनुसार इमर्जेन्सीका बिरामीहरुका लागि आवश्यक पर्ने सम्पूर्ण औषधिहरु पनि त्यहाँ रहेको फार्मेसीबाट सहजै उपलब्ध हुने व्यवस्था पनि गरिएको छ । इमर्जेन्सीमा सरसफाइमा विशेष ध्यान दिई सम्बन्धित कर्मचारीहरुलाई तदारुकताका साथ सरसफाइमा ध्यान दिन निर्देशन दिइएको उनले बताए ।
क्याटेगोरी : नेपाल
ताजा अपडेट
- अरुण नदीमा पूजा गर्ने क्रममा एक जना बेपत्ता
- चार महिनामा साढे चार खर्ब व्यापार घाटा
- ‘क्रेडिट रेटिङ’ पछि नेपालले लिनुपर्ने लाभ के हो ?
- समाजवाद स्थापना नभएसम्म क्रान्तिबाट विश्राम लिइन्न : महासचिव चन्द
- कञ्चनपुरको कलुवापुरमा बस दुर्घटना हुँदा ३१ जना घाइते
- इन्भेष्टमेन्ट कम्पनीको शेयर कारोबारसम्बन्धी नयाँ प्राबधान
- काठमाडौँमा शनिबार तीन शव भेटिए
- चिनियाँ दूतावासद्वारा ‘क्षत्रपाटी निःशुल्क चिकित्सालय’ लाई विद्युतीय सवारी हस्तान्तरण
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया