भक्तपुर । भक्तपुरको जगातीमा सञ्चालनमा रहेर सवारीचालक अनुमतिपत्र लाइसेन्स वितरणकार्य गर्दै आएको ‘यातायात व्यवस्था कार्यालय’ थिमिस्थित राधेराधे माइक्रोबस पार्कमा सार्ने भएपछि विरोध भएको छ ।
यातायात व्यवस्था कार्यालय जगातीको प्राङ्गणमा आइतबार स्थानीय व्यवसायी एवं लेखापढी व्यवसायी संघर्ष समितिले पत्रकार सम्मेलनको आयोजना गरी आर्थिक चलखेलका कारण नयाँ कार्यालय प्रमुख आउनेबित्तिकै कार्यालय सार्न लागिएको आरोप लगाएका छन् । सूर्यविनायक नगरपालिका–८ जगाती भक्तपुरमा २०७३ माघ २ गतेबाट सञ्चालनमा रहेको ‘यातायात व्यवस्था कार्यालय’ पाँच वर्षपछि राधेराधेस्थित माइक्रोबस पार्कमा रहेको भूकम्प अगाडि बनेको पुरानो घरमा सर्न लागेको हो । पत्रकार सम्मेलनमा संघर्ष समितिका संयोजक लक्ष्मी कार्कीले कार्यालयका प्रमुख नेत्र भट्टराईसँग घरभाडा सम्झौता नवीकरणमा आर्थिक लेनदेनको कुरा नमिलेपछि विनासूचना र कोटेसन समेत आह्वान नगरी कार्यलय सार्न लागिएकोले शंका उत्पन्न भएको बताए । कार्यालयले कुनै पनि नयाँ घरमा जानुअगाडि निश्चित समय तोकेर सार्वजनिक सूचना जारी गर्नुपर्नेमा कुनै सूचना नै जारी नगरी एकलौटीरुपमा भाडा मूल्यांकन समितिलाई समेत प्रभावमा पारेर अनुपयुक्त घरमा कार्यालय सार्न लागिएको उनको आरोप छ ।
कार्यालय सार्न खोजेको घर भूकम्पअगाडि बनेको, साँघुरो घर, मापदण्डभन्दा साना कोठा एवं भ-याङ रहेको, पर्याप्त पार्किङ तथा खुला ठाउँ नभएको र सेवाग्राहीका लागि उपयुक्त नहुने साँघुरो ठाउँमा रहेको उनको भनाइ छ । मध्यपुरथिमिको राधेराधे (वाग्मति आयल स्टोर) पछाडि नै एक रोपनी जग्गामा ट्रलिबस कार्यालयको एकतले भवन र जग्गा हुँदाहुँदै त्यो जग्गामा समेत कार्यालय नसारी विधि र प्रक्रिया समेत पूरा नगरी कार्यालय सार्न लागिएको उनले बताए । कार्यालय प्रमुख भट्टराई, सोही कार्यालयका अधिकृत छैटौँ प्रशासन शाखाका गोविन्द शिवाकोटी र कृष्ण निरौलासमेतको मिलेमतोमा आर्थिक चलखेलकै कारण घरभाडा मूल्याङ्कन समितिलाई समेत गलत निर्णय गर्न लगाएको लेखापढी व्यवसायीको आरोप छ ।
क्याटेगोरी : नेपाल
ताजा अपडेट
- छ वर्षमा पनि बनेन गजेन्द्रनारायण सिंह अस्पतालको भवन
- जनसभामा जथाभाबी फोहोर गरेको भन्दै महानगरले एमालेलाई तिरायो १ लाख जरिमाना
- देशका अधिकांश भागमा आज मौसम सफा रहने पूर्वानुमान
- यस्तो छ आजका लागि विदेशी मुद्राको विनिमयदर
- विशेष अदालतको फैसलामा चित्त नबुझेको भन्दै आयोगले गर्यो सर्वोच्चमा पुनरावेदन
- अपराध र ठगी गर्नेलाई सरकारले छाड्दैन : प्रधानमन्त्री
- सरकारलाई असफल हुने छुट छैन: मन्त्री अधिकारी
- विकास, समृद्धि र सुशासनको सङ्कल्प पूरा गर्ने बाटोमा अघि बढेका छौँ: प्रधानमन्त्री
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया