काठमाडौं । काठमाडौँ उपत्यका ट्राफिक प्रहरी कार्यालयले मोटरसाइकल चोरी गर्ने ४० वर्षीय सन्तोष चालिसेलाई मोटरसाइकल र स्कुटरसहित पक्राउ गरेको छ । हराएका मोटरसाइकलहरू चोरी गर्ने कार्यमा संलग्न व्यक्तिहरूको सूचना संकलन, निगरानी एवं खोजतलास गर्न सादा पोसाकमा खटिएको ट्राफिक प्रहरी टोलीले उनलाई बुधबार पक्राउ गरेको हो ।
काठमाडौँ महानगरपालिका वडा नं. ७ चावहील सडकखण्डबाट वास्तविक नम्बर परिवर्तन गरी बा ४४ प ४७५९ नम्बरको कालो रातो प्लेजर स्कुटर चलाइरहेको अवस्थामा काठमाडौंको चुच्चेपाटीमा बस्दै आएका चालिसेलाई स्कुटरसहित नियन्त्रणमा लिएको कार्यालय प्रमुख प्रहरी नायब महानिरीक्षक मीरा चौधरीले जानकारी दिइन् । उक्त स्कुटरको वास्तविक नम्बर बा ४३ प ५४७७ रहेको खुल्न आएको छ । उक्त पक्राउ भएको स्कुटर चावहिलस्थित हेल्पिङह्यान्डस अस्पताल नजिकबाट हराएको भनी रन्जिता महर्जनले कार्यालयमा निवेदन दिएकी थिइन् । त्यसैगरी थप अनुसन्धानको सिलसिलामा सोधपुछ गर्दा चालिसेले काठमाडौं गोकर्णेश्वर नगरपालिका वडां नं. ४ गोकर्णस्थित सडक छेउमा लुकाएर राखेको बा ६५ प १२५८ नम्बरको स्प्लेन्डर मोटरसाइकल समेत फेला पारेको छ ।
उक्त पक्राउ भएको मोटरसाइकल चावहिल केएल टावरबाट बिबेक महर्जनको मोटरसाइकल हराएको खुल्न आएको प्रहरीले जनाएको छ । पक्राउ गरिएको व्यक्तिसहित उक्त मोटरसाइकल र स्कुरटलाई चोरी मुद्दा अनुसन्धान कारबाहीका लागी प्रहरी वृत्त गौशाला पठाएको ट्राफिक प्रहरी कार्यालयले जनाएको छ । पछिल्लो समय उपत्यकाको विभिन्न स्थानहरूबाट चोरी भई हराएका मोटरसाइकल र चोरी गर्ने कार्यमा संलग्न व्यक्तिहरूको सूचना संकलन एवं निगरानी राखी विशेष कारबाही अभियान ट्राफिक कार्यालयले चलाइरहेको छ ।
क्याटेगोरी : नेपाल
ताजा अपडेट
- छ वर्षमा पनि बनेन गजेन्द्रनारायण सिंह अस्पतालको भवन
- जनसभामा जथाभाबी फोहोर गरेको भन्दै महानगरले एमालेलाई तिरायो १ लाख जरिमाना
- देशका अधिकांश भागमा आज मौसम सफा रहने पूर्वानुमान
- यस्तो छ आजका लागि विदेशी मुद्राको विनिमयदर
- विशेष अदालतको फैसलामा चित्त नबुझेको भन्दै आयोगले गर्यो सर्वोच्चमा पुनरावेदन
- अपराध र ठगी गर्नेलाई सरकारले छाड्दैन : प्रधानमन्त्री
- सरकारलाई असफल हुने छुट छैन: मन्त्री अधिकारी
- विकास, समृद्धि र सुशासनको सङ्कल्प पूरा गर्ने बाटोमा अघि बढेका छौँ: प्रधानमन्त्री
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया