सोलुखुम्बु । एक वर्षको अवधिमा खुम्बुक्षेत्र भ्रमणमा आएका एक दर्जनभन्दा बढी विदेशी पर्यटकको मृत्यु भएको छ भने दुई जना बेपत्ता भएका छन् । २०७८ को जेठदेखि ०७९ को जेठसम्ममा खुम्बु भ्रमणमा आएका १३ जना विदेशीको मृत्यु भएको र दुई जना बेपत्ता भएको पर्यटक प्रहरी कार्यालय लुक्ला सोलुखुम्बुले जनाएको छ ।
कार्यालयका इन्चार्ज प्रहरी सहायक निरीक्षक पूर्णप्रसाद दहालका सगरमाथा आरोहण गरेर फर्कने क्रममा लडेर २०७८ साल वैशाख ३० गते बेलायती नागरिक ३४ र स्वीजल्यान्डका ४१ वर्षीय पुरुष, गत जेठ ८ गते बेलायती नागरिकहरू ६१ र ३४ वर्षका पुरुषको मृत्यु भएको थियो । यस्तै असोज २९ गते भारत केरलाका २० वर्षीय पुरुष र कात्तिक १९ गते बेलायती नागरिक १९ वर्षीय युवकको हाई लागेर बेसक्याम्प क्षेत्रमा मृत्यु भएको थियो । यस्तै कात्तिक २१ गते दुई जना २७ र एक जना ३४ वर्षका गरी तीन जना फ्रान्सेली नागरिकको सगरमाथा चढ्ने क्रममा लडेर मृत्यु भएको पर्यटक प्रहरी उपशाखा लुक्लाले जनाएको छ ।
२०७९ को वैशाख ६ गते रसियन नागरिक ५५ वर्षका पुरुष हिमाल चड्ने क्रममा लडेर र वैशाख २२ गते ५५ वर्षीय भारतीय नागरिकको गोक्योमा लेक लागेर मृत्यु भएको प्रहरीको तथ्यांक छ । वैशाख ३१ गते क्यानाडियन ५० वर्षीय पुरुष स्याङ्बोचेमा सुतेकै अवस्थामा मृत्यु भएको र जेठ २० गते बेलायती १९ वर्षीय पुरुषले खुम्बुमा झुण्डिएर आत्महत्या गरेको प्रहरीले जनाएको छ ।
गत जेठ ५ गते खुम्बु आएका भारतीय नागरिक ३१ वर्षीय पुरुष सिरनाथ चन्द्र मोहोन र कोरियन नागरिक ५० वर्षीया महिला योहन बेपत्ता भएका छन् । उनीहरूको खोजी भइरहेको जिल्ला प्रहरी कार्यालय सोलुखुम्बुले जनाएको छ । खुम्बु क्षेत्रमा ज्यान गुमाएका तथा बेपत्ता भएका अघिकांश विदेशी पर्यटकहरू गाइड तथा सहयोगीविना एक्लाएक्लै भ्रमणमा आएकाहरू रहेको पर्यटक प्रहरीले जनाएको छ ।
क्याटेगोरी : नेपाल
ताजा अपडेट
- बढ्यो व्यक्तिगत आवास कर्जा एक वर्षमा तीन खर्ब ९३ अर्ब रुपैयाँ कर्जा प्रवाह
- अर्थतन्त्रका सबल सूचकका जगमा कमजोर क्षेत्रहरू सुधार्न अर्थमन्त्रीको निर्देशन
- उद्योगमा काटिएको विद्युत् जोड्ने प्राधिकरण सञ्चालक समितिको निर्णय
- राष्ट्रपति पौडेलले गरे विश्व नेताहरूको उच्चस्तरीय सत्रलाई सम्बोधन
- दक्षिण कोरियाको लागि इ७ भिसा तत्काल लागू नगर्ने
- सिभिल सहकारीका सोह्र सय पीडितले सात अर्ब बचत मागे
- ट्रम्प अमेरिकाको राष्ट्रपति बन्दा जलवायु परिवर्तनको विषयमा कस्तो प्रभाव पर्ला ?
- बिटकोइनसँग जोडिएका सात रोचक र अपत्यारिला कुरा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया