ट्राफिक प्रहरीद्वारा चोरी भएका दुईपाङ्ग्रे सवारी सम्बन्धित धनीलाई हस्तान्तरण
काठमाडौं । काठमाडौं उपत्यका ट्राफिक प्रहरीले चोरी भएका दुईपाङ्ग्रे सवारी खोजी गरी सम्बन्धित धनीलाई हस्तान्तरण गरेको छ । विभिन्न समयमा चोरी भएका २१ वटा सवारीसाधन खोजी गरी प्रहरीले बिहीबार हस्तान्तरण गरेको हो ।
काठमाडौं उपत्यका ट्राफिक प्रहरी कार्यालयमा बिहीबार एक कार्यक्रमको आयोजना गरी कार्यालयका प्रवक्ता प्रहरी वरिष्ठ उपरीक्षक राजेन्द्र प्रसाद भट्टले धनीलाई सवारीसाधन हस्तान्तरण गरेका हुन् । काठमाडौं उपत्यका ट्राफिक प्रहरी कार्यालयमा आर्थिक वर्ष २०७९।०८० को साउन महिना र भदौ महिनाको मध्यसम्ममा दुईपाङ्गे्र सवारीसाधन हराएको दुई सय २१ वटा निवेदन प्राप्त भएको उनले बताए ।
प्राप्त निवेदनको आधारमा चोरी भएका सवारीसाधन खोजी गर्दा साउन र भदौ महिनाको मध्यसम्म एक सय एउटा सवारीसाधन फेला परेको उनले जानकारी दिए । फेला परेकामध्ये साउनमा ७३ वटा र भदौको मध्यसम्म १० वटा सवारीसाधन धनीलाई जिम्मा लगाइसकिएको उनले बताए । बिहीबार २१ वटा सवारीसाधन सम्बन्धित धनीलाई हस्तान्तरण गरेसँगै यसै आर्थिक वर्षको फेला परेका सबै सवारीसाधनलाई धनीको जिम्मा लगाइएको उनको भनाइ छ ।
यस्तै चालू आवमा चोरीका आठवटा दुईपाङ्ग्रे सवारीसाधनसहित नौजना मानिसलाई भने आवश्यक कारबाहीको लागि परिसर तथा वृत्तमा पठाइएको उनले बताए । फेला परेकामध्ये धनी सम्पर्कमा नआएका तीनवटा सवारीसाधन काठमाडौं उपत्यका ट्राफिक प्रहरी कार्यालय परिसरमै रहेकाले दुईपाङ्ग्रे सवारीसाधन हराएको निवेदन दिएका धनीलाई सम्पर्कमा आउन समेत उनले आग्रह गरे ।
क्याटेगोरी : नेपाल
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया