एसईईमा उत्कृष्ट नतिजा ल्याउने विद्यार्थीलाई सम्मान
सुबास बस्नेत २०७९, भदौ २४ ११:३५ 
दोलखा । जिल्लाको बैतेश्वर गाउँपालिकाले २०७८ सालको एसईई परीक्षामा उत्कृष्ट नतिजा ल्याउने विद्यार्थीहरूलाई सम्मान गरेको छ । पालिकाले ५६औँ अन्तर्राष्ट्रिय साक्षरता दिवसको अवसर पारेर बिहीबार ३३ जना विद्यार्थीलाई सम्मान गरेको हो ।
पालिकाले जिल्ला प्रथम हुने आदेश दाहाललाई ५० हजार रूपैयाँसहित सम्मान गरेको छ । दाहालले एसईई परीक्षामा हनुमन्तेश्वर माध्यमिक विद्यालयबाट ३ दशमलव ८ जीपीए ल्याई जिल्लाप्रथम भएका थिए । दाहालसँगै सोही विद्यालयमा अध्ययन गरेर छात्रातर्फ ३ दशमलव ७५ जीपीए ल्याउन सफल पूर्णिमा मिजारलाई पनि गाउँपालिले ५० हजार नगदसहित सम्मान गरेको छ । यस्तै पालिकाले हनुमन्तेश्वर माध्यमिक विद्यालयलाई पनि ५० हजार रुपैयाँ नगदसहित सम्मान गरेको छ ।
यसैगरी पालिकाले ३ दशमलव ६ जीपीए ल्याउने हनुमन्तेश्वर माविका पाँच जना विद्यार्थीलाई प्रतिव्यक्ति २० हजार, ३ दशमलव २ भन्दा माथिको जीपीए ल्याउने हनुमन्तेश्वर माविका १८ जना, क्षत्रवती मावि ३, बैतेश्वर मावि, कालिढुङ्गा मावि र निजी विद्यालयका एक/एक जना विद्यार्थीलाई प्रतिव्यक्ति १० हजार रूपैयाँसहित प्रमाणपत्र वितरण गरिएको थियो । उनीहरू सबैलाई गाउँपालिका अध्यक्ष छवि लामाले सम्मान गरेका हुन् । गाउँपालिकाले सामुदायिक तथा संस्थागत विद्यालयमा पढ्ने विद्यार्थीको क्षमता वृद्धि गर्ने उद्देश्यले विद्यार्थीलाई सम्मान तथा पुरस्कृत गर्ने नीति लिएको बैतेश्वर गाउँपालिका निमित्त प्रमुख प्रशासकीय अधिकृत रविन्द्र चौलागाईंले जानकारी दिए ।
क्याटेगोरी : नेपाल
ताजा अपडेट
- दार्चुला जीप दुर्घटना: आठ जनाको मृत्यु, पाँच घाइते
- कोप–२९ मा सहभागी भई स्वदेश फर्किए राष्ट्रपति
- ‘नेक’ प्रादेशिक छात्रवृत्तिको प्रवेश परीक्षा मंसिर दुई गते
- टेकस्पायर स्टार्टअप एन्ड आईडिया फेस्ट सुरु
- हेटौँडा सिमेन्ट उद्योग सञ्चालनमा ढिलाइ
- उत्पादनको क्षेत्रमा जोड दिन निजी क्षेत्रलाई आग्रह
- तेस्रो पटक पनि राष्ट्रपति बन्ने ट्रम्पको इच्छा
- बाह्य व्यापार र निकासीमा अनुदान
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया