वडामै पुगेर सामाजिक सुरक्षा भत्ता वितरण
सुबास बस्नेत २०७९, असोज ४ ११:४४ 
दोलखा । जिल्लाको बैतेश्वर गाउँपालिकाले घुम्ती शिविर राखेर वडाबाटै सामाजिक सुरक्षा भत्ता वितरण गर्न सुरु गरेको छ । गाउँपालिकाले स्थानीय मैनापोखरी बजारमा रहेको प्राइम कमर्सियल बैंकसँग सम्झौता गरेर सोमबारदेखि वडामै पुगेर सामाजिक सुरक्षा भत्ता वितरण गर्न सुरु गरेको हो ।
गाउँपालिकाले नजिकिँदो मुख्य चाड दशैँलाई मध्यनजर गर्दै घुम्ती शिविरमार्फत वडामै पुगेर २०७९/०८० प्रथम त्रैमासिक सामाजिक सुरक्षा भत्ता वितरण गर्न सुरु गरेको बैतेश्वर गाउँपालिका पञ्जीकरण शाखाका प्रमुख दिलविक्रम श्रेष्ठले जानकारी दिए । श्रेष्ठका अनुसार सोमबार वडा नम्बर–१ को वडा कार्यालय भवनमा प्राइम कमर्सियल बैंक मैनापोखरी शाखाका प्रमुख उमेशराज गिरीसहितको टोलिले तीन सय जना स्थानीयलाई भत्ता वितरण गरेको थियो । प्राइम कमर्सियल बैंक मैनापोखरी शाखाका प्रमुख उमेश राज गिरीले बैंकले स्थानीयको सहजताको लागि वडामै पुगेर भत्ता वितरण गरेको जानकारी दिए ।
बैतेश्वर गाउँपालिकाभित्रका ग्रामीण बस्तीका स्थानीयलाई बैंकसम्म आएर भत्ता लिन निकै झण्झटिलो भएको भनी गुनासो आएकोले गाउँमा नै पुगेर भत्ता वितरण गर्न सुरु गरेको गिरिले बताए । गाउँपालिकाले वडासम्म पुगेर भत्ता वितरण गर्न स्थानीय सुरक्षा र सवारी व्यवस्थापन गरेको थियो । वडाबाट भत्ता पाएपछि मैनापोखरीसम्म पुग्नुपर्ने बाध्यताको अन्त्य भएको गैरीमुदिका स्थानीय ८० वर्सिया नरबहादुर तामाङले बताए ।
गाउँपालिकाले वडा नम्बर एकमा सामाजिक सुरक्षा भत्ता वितरण सोमबार नै सकेको छ भने वडा नम्बर–२ मा मंगलबार, वडा–३ मा बुधबार, वडा–४ मा बिहीबार र शुक्रबार वडा नम्बर– ५ मा शनिबार, वडा नम्बर–६ को आइतबार, वडा नम्बर–७ मा सोमबार र वडा नम्बर–८ मा मंगलबार वितरण गर्ने भएको छ ।
क्याटेगोरी : नेपाल
ताजा अपडेट
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
- लैङ्गिक हिंसा रोकथाम गर्न मन्त्रालयको सक्रियता
- ‘पूर्णबहादुरको सारङ्गी’ बन्यो सर्वाधिक कमाउने चलचित्र
- जनकपुरधामबाट अयोध्या तिलकमा २५१ जना जाने
- नारायणगढ–बुटवल सडक निर्माणमा भएको ढिलाइबारे प्रधानमन्त्रीको चासो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया