काठमाडौं । ललितपुरको बुङमतीलाई पर्यटन प्रवर्द्धनको हिसाबले प्राथमिकतामा राख्ने पर्यटन व्यवसायीहरुले प्रतिबद्धता जनाएका छन् । पर्यटन व्यवसायीहरुको छाता संगठन नेपाल एसोसिएसन अफ टुर एन्ड ट्राभल्स एजेन्ट्स (नाट्टा)का अध्यक्ष रमेश थापाले बुङमतीसँग पर्यटकलाई देखाउने थुप्रै ऐतिहासिक एवं पुरातात्विक संरचनाहरु रहेकाले यो सम्पदा बस्तीलाई प्राथमिकतामा राखिने बताए ।
बुङमतीमा पर्यटकहरु आधा दिनको लागि मात्रै आउने गरेको भन्दै उनले पर्यटकहरुको बसाई लम्ब्याउन सकिने थुप्रै आधारहरु बनिसकेकाले त्यसतर्फ ध्यान दिएर प्याकेज बनाउनुपर्नेमा पनि उनले जोड दिए । युरोपियन युनियनको सहयोगमा स्विच एशिया कार्यक्रमअन्तर्गत युएन ह्याबिट्याट तथा लुमन्तीद्वारा सञ्चालित पर्य–सम्पदा परियोजनाले बुङमतीको पर्यटन प्रवर्द्धनलाई सहयोग पु¥याउन नाट्टाका सदस्य तथा टुर गाइडहरुलाई बुङमतीको महत्व बुझाउने अभिमुखीकरण कार्यक्रम गरेको थियो । उक्त कार्यक्रममा युएन ह्यबिट्याटकी कार्यक्रम प्रबन्धक प्रज्ञा प्रधानले सम्पदा बस्तीहरुको भौतिक पुनर्निर्माणसँगै आर्थिक पाटोलाई पनि ध्यान दिएर काम गरिरहेको जानकारी दिइन् ।
बुङमतीका स्थानीयको आर्थिक पुनरुत्थानका लागि पर्यटन गतिलो माध्यम बन्नसक्ने भएकाले विदेशी मात्रै नभएर आन्तरिक पर्यटकका लागि समेत सुहाउँदो प्याकेजहरुको व्यवस्थापन गर्न पर्यटन व्यवसायीहरुसँग उनले आग्रह गरिन् । यस्तै ललितपुर वडा नम्बर २२ का अध्यक्ष सागर तुलाधरले सबैभन्दा ठूलो वडा भएकाले बुङमतीमा पूर्वाधारहरुको विकासमा अझै धेरै काम गर्न बाँकी रहेको स्वीकार गरे । पर्यटकलाई देखाउने कुरा धेरै भएकाले यसको प्रवर्द्धन गरेर आफ्नोसँगै स्थानीयको पनि आयवृद्धिमा सहयोगी बनिदिन पर्यटन व्यवसायीहरुसँग उनले आग्रह समेत गरे । वडाध्यक्ष तुलाधरले नाट्टाका अध्यक्ष थापालाई बुङमतीको पर्यटकीय क्षेत्रबारे जानकारी दिने नक्सा समेत हस्तान्तरण गरे । कार्यक्रममा युएन ह्याबिट्याटका वरिष्ठ कार्यक्रम अधिकृत प्रविण बज्राचार्यले बुङमतीमा रहेका ऐतिहासिक एवं धार्मिक स्थलबारे कार्यपत्र प्रस्तुत गरेका थिए ।
यस्तै पर्यटन व्यवसायीलाई दुई जना स्थानीय गाइडले बुङमतीको भ्रमण गराएका थिए । भ्रमणपछि पर्यटन व्यवसायी एवं टुर गाइडहरुले बुङमतीको बजारिकरणमा सहयोग गर्ने प्रतिबद्धता जनाएका छन् । भिलेज टुर भनेर आधा दिनको प्याकेजहरु पर्यटकसमक्ष प्रस्तुत गरिरहेको स्मरण गर्दै उनीहरुले नयाँ ढाँचाले प्याकेजहरु बनाएर बुङमतीमा पर्यटक भित्र्याउने प्रतिबद्धता जनाएका छन् । युरोपिएन युनियनको सहयोगमा स्विच एसिया कार्यक्रम अन्तर्गत युएन ह्याबिट्याट तथा लुमन्तीद्वारा संचालित पर्य–सम्पदा परियोजनाले बुङमतीको पर्यटन प्रवर्द्धनलाई सहयोग पु-याउन सीप विकाससँगै विभिन्न कार्यक्रमहरु गर्दै आएको छ ।
क्याटेगोरी : नेपाल
ताजा अपडेट
- ‘प्रधानमन्त्री नेपाली उत्पादन तथा उपभोग अभिवृद्धि कार्यक्रम’ प्रस्तावमै सीमित
- दार्चुलामा जीप दुर्घटना, छ जनाको घटनास्थलमै मृत्यु
- छुर्पीको अनिवार्य गुणस्तरसम्बन्धी मापदण्डको प्रस्ताव मन्त्रिपरिषद्मा पेस गरिने
- शुक्रबारका लागि यस्तो छ विदेशी मुद्राको विनिमय दर
- पशुपति गौशाला धर्मशालामा मारवाडी सेवा समितिको मोहियानी हक लाग्दैन: अदालत
- बजार परिसुचक २७ सय ४८ बिन्दुमा
- ‘सङ्घीय गणतान्त्रिक शासन प्रणाली सबैभन्दा उपयुक्त’
- जलवायु न्यायका लागि रस्साकस्सी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया