काठमाडौं । हेल्प फर ह्युमानिटी नेपालले युवा पर्यटन व्यवसायी सोनाम छिरिङ शेर्पासँगको सहकार्यमा क्रिकेट किट वितरण गरेको छ । नेपाली क्रिकेट टीमका पूर्वकप्तान पारस खड्काले सुदूरपश्चिम दार्चुलाका अभिजीत ऐरीलाई क्रिकेट किट हस्तान्तरण गरेका हुन् ।
क्रिकेट खेलप्रति लगाव रहेको तर आर्थिक अवस्था कमजोर रहेका ऐरीलाई पर्यटन व्यवसायी शेर्पासँगको सहकार्यमा किट प्रदान गरिएको हो । क्रिकेट किट प्रदान गर्दै पूर्वकप्तान खड्काले ऐरीलाई सफल खेलाडी बन्न शुभकामना दिए । ‘सहयोगको लागि हेल्प फर ह्युमानिटी टिम र सोनामज्यूलाई धन्यवाद । अभिजीत ऐरी भाइलाई सफल खेलाडी बन्न शुभकामना’, उनले भने, ‘हेल्प फर ह्युमानिटी नेपालले पनि आवश्यक पर्नेहरुलाई मात्रै सहयोग गर्नु होला ।’ खेलजस्तै शिक्षा, स्वास्थ्य जस्ता जुनसुकै क्षेत्रमा आवश्यक पर्नेहरुलाई सहयोग गर्न उनले हेल्प फर ह्युमानिटी नेपाललाई सुझाव दिए ।
यस्तै पर्यटन व्यवसायी शेर्पाले विगतमा आफूले जस्तो समस्या भोग्नु नपरोस् भनेर सहयोग गरेको जानकारी गराए । ‘पहिला म पनि खेलप्रेमी थिएँ । त्यतिखेर रहर भए पनि आर्थिक अभावका कारण खेल सामग्रीहरु किन्न सकिँदैनथ्यो’, उनले भने, ‘आफूले जस्तो समस्या भोग्नु नपरोस् भनेर सहयोग गरेको हो ।’ हेल्प फर ह्युमानिटी नेपालले गर्ने सहयोग निरन्तरता रहने संस्थाका अध्यक्ष मधुसूदन ध्वज खड्काले जानकारी गराए ।
क्याटेगोरी : नेपाल
ताजा अपडेट
- बाह्य व्यापार र निकासीमा अनुदान
- तरलतामा किन भइरहन्छ सधैँ तलमाथि ?
- २२ अर्बको राजस्वमा कार्यकारीको खेलवाड
- लघुवित्तहरूमा वित्तीय जोखिम बढ्दो
- ‘प्रधानमन्त्री नेपाली उत्पादन तथा उपभोग अभिवृद्धि कार्यक्रम’ प्रस्तावमै सीमित
- दार्चुलामा जीप दुर्घटना, छ जनाको घटनास्थलमै मृत्यु
- छुर्पीको अनिवार्य गुणस्तरसम्बन्धी मापदण्डको प्रस्ताव मन्त्रिपरिषद्मा पेस गरिने
- शुक्रबारका लागि यस्तो छ विदेशी मुद्राको विनिमय दर
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया