काठमाडौं । नेपाल बीमा प्राधिकरणले नियमकीय दायित्व भन्दा विपरित त्रुटीपूर्ण मर्जर गर्ने दुर्ई जीवन बीमा कम्पनीमाथि कारवाही नगरी उल्टै अख्तियारलाई झुठो विवरणसहितको पत्राचार गरेको छ । बीमा प्राधिकरणले सोमबार टंगालस्थित अख्तियार दुरुपयोग अनुसन्धान आयोगमा दर्ता गराएको लिखित जवाफमा झुठो विवरण समावेश गरेको पाइएको छ ।
सोमबार बीमा प्राधिकरणले नक्सालको टंगालस्थित आयोगको कार्यालयमा लिखित पत्र दर्ता गराएको थियो । अख्तियारले बीमा प्राधिकरणलाई ‘सूर्यज्योति लाइफ मर्जर सम्बन्धमा आवश्यक कारवाही गरी जानकारी गराउनुु’ भन्ने लिखित निर्देशन एक साताअघि दिएको थियो । सो निर्देशनको जवाफमा प्राधिकरणको तर्फबाट सूर्यज्योति लाइफले कानुन बमोजिम नै एकीकृत कारोबार गरेकोले थप कारवाही गर्नु नपर्ने निर्णय भएको व्यहोराको पत्र बुझाइएको आयोग स्रोतले जनाएको छ । सो निर्णय सञ्चालक समितिको बैठकमा पेश नगरी अध्यक्ष सिलवाल आफैले निर्णय गरेर आयोगमा पठाएको जनाइएको छ । अध्यक्ष सिलवालले अख्तियारकै निर्देशन उल्लंघन मात्रै गरेका छैनन, उल्टै आयोगको निर्णयलाई चुनौति दिँदै कारवाही गर्नै नपर्ने पत्र भ्रष्टाचार निवारण सम्बन्धी संवैधानिक निकायमा दर्ता भएको छ ।
नेपालको प्रचलित कानुन बमोजिम मर्जरमा जान पछिल्लो वर्षको वित्तीय विवरण, लेखा परिक्षण प्रतिवेदन तथा पछिल्लो साधारणसभा सम्पन्न भएको हुनुपर्दछ । तर, सूर्या लाइफ र ज्योति लाइफले आव २०७८।०७९ को लेखा परिक्षण, वित्तीय विवरण समेत तयार नगरी, कर चुक्ता समेत लिएका छैनन् । कम्पनीले यही पुस ७ गते एकीकृत कारोबार गर्दा १७ महिनाको वित्तीय अवस्था के छ ? लगानीकर्तालाई गोप्य राखिएको छ । आव २०७८।०७९ को वित्तीय विवरण तयार नगरी मर्जरमा गएको भन्दै गत मंसिर २८ गते आयोगमा सूर्य श्रेष्ठले लिखित उजुरी दर्र्ता गराएका थिए ।
बीमा प्राधिकरणको निर्णयसँगै भ्रष्टाचार निवारण सम्बन्धी संवैधानिक निकाय अख्तियार दुुरुपयोग अनुसन्धान आयोगको निर्णयमाथि चुनौति दिइएको छ । आयोगको निर्णयलाई चुनौति दिने अधिकार नेपालको प्रचलित कानुन र संविधानले कसैलाई पनि दिएको छैन । तर, कानुनलाई छल्लन माहिर सिलवालले आयोगको कारवाही गर्नु भन्ने निर्देशनलाई चुनौति दिँदै कारवाही गर्नै नपर्ने निर्णय गरेर पत्र पठाईदिएका छन् । बीमा प्राधिकरणका अध्यक्ष सूर्य प्रसाद सिलवालको ठाडो निर्देशनपछि बीमा प्राधिकरणले लेखेको पत्र आयोगमा दर्ता भएसँगै सूर्यज्योति लाइफमा भएको गैर कानुनी कार्यमा बीमा प्राधिकरणको समेत संलग्नता रहेको पुष्टि भएको छ ।
आयोगले छलफल पश्चात कारवाही गर्ने निर्णय गरेरै बीमा प्राधिकरणलाई लिखित रुपमा निर्देशन दिएको थियो । तर, विगतमा आयोगका प्रमुुख आयुक्तलाई आफ्नै सहकर्मी भन्दै तत्कालिन अर्थमन्त्री जनार्दन शर्मासँग मिलेर हिमालयन रि इन्स्योरेन्ससँग सेटिङ गरेका सूर्य सिलवालले यस पटक आयोगलाई नै चुनौति दिन पुगेका छन् । बीमा प्राधिकरणको निर्णयले भ्रष्टाचार निवारण सम्बन्धी संवैधानिक निकायको निर्देशनलाई उल्लंघन गरेको विषयमा अध्यक्ष सिलवालमाथि कारवाही होला कि नहोला प्रतिक्षाको विषय बनेको छ ।
क्याटेगोरी : नेपाल
ताजा अपडेट
- निर्यात बढाउन हरसम्भव प्रयत्न गर्ने प्रतिबद्धता
- बेलायतद्वारा जलवायु परिवर्तनका असर घटाउन गरेका प्रतिबद्धताअनुसार सहयोग हुन्छ : विशेष प्रतिनिधि क्याथे
- मोटरसाइकल दुर्घटनामा एकको मृत्यु
- यस्तो छ आजका लागि विदेशी मुद्राको विनिमय दर
- एमाले इलामको अध्यक्षमा बराल निर्वाचित
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया