सोलुखुम्बुमा काठ निकासी घट्यो
सुबास दर्नाल २०७९, माघ १५ ११:५८ 
सोलुखुम्बु । हिमाली जिल्ला सोलुखुम्बुबाट हुने काठ निकासी घटेको छ । गत आर्थिक वर्षको पहिलो छ महिनाको तुलनामा यस वर्ष दुई हजार क्यूफिटभन्दा बढीले निकासीमा गिरावट आएको हो ।
डिभिजन वन कार्यालय सोलुखुम्बुको तथ्यांकअनुसार आर्थिक वर्ष २०७८/०७९ मा ६७ हजार चार सय २६.८२ क्यूफिट काठ निकासी भएको थियो भने २०७९ साउदेखि पुससम्म ६५ हजार तीन सय ८६.१६ क्यूफिट काठ निकासी भएको छ । जुन दुई हजार ३९ दशमलव ६६ क्यूफिटले कमी हो ।
चालू आर्थिक वर्षको साउनमा १० हजार पाँच सय ६०.९९ क्यूफिट, भदौमा तीन हजार तीन सय ६५.६३, असोजमा दुई हजार २७५.१५, कात्तिकमा पाँच हजार आठ सय ९७.८६, मंसिरमा १४ हजार नौ सय २८.८६ र पुसमा २८ हजार तीन सय ५८.१६ क्यूफिट काठ निकासी भएको छ । जसबाट २३ लाख ३१ हजार चार सय ६४ रुपैयाँ मूल्यअभिवृद्धि कर, एक लाख ५० हजार नौ सय १६ रुपैयाँ प्रदेश कर र छ लाख २३ हजार आठ सय ४५ रुपैयाँ ४३ पैसा स्थानीय निकासी शुल्क सङ्कलन भएको डिभिजन वन कार्यालयका फरेष्टर खेचरबाबु बास्तोलाले जानकारी दिए ।
चालू आर्थिक वर्षमा आर्थिक मन्दी, बजारको समस्या, व्यवसाय गर्नेहरुले लगानी गर्न नसक्नु लगायतका कारण काठ निकासीमा गिरावट आएको हुनसक्ने अनुमान गरिएको छ । जिल्लाको विभिन्न निजी वन क्षेत्रहरुबाट काठ निकासी हुने गरेको वन कार्यालयले जनाएको छ ।
क्याटेगोरी : नेपाल
ताजा अपडेट
- नेपालगञ्जमा १०८ फिट अग्लो ‘हनुमान’को मूर्ति बनाइँदै
- राजस्व सङ्कलन बढ्यो
- ‘प्रादेशिक तथा स्थानीय सडक सुधार कार्यक्रम’ प्रारम्भ
- शेयर बजार राताम्मै
- भारतीय सेनाध्यक्षलाई राष्ट्रपतिद्वारा ‘मानार्थ महारथीको दर्ज्यानी चिन्ह’ प्रदान
- पूर्वाञ्चल विश्वविद्यालयले अन्तर्राष्ट्रिय सम्मेलन गर्ने
- पाथीभरा क्षेत्रमा हल्का हिमपात सुरु
- बजार माग बढेसँगै अलैँचीको मूल्य उच्च विन्दुमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया