सोलुखुम्बु । सोलुखुम्बुमा सञ्चालित पेट्रोलपम्पहरूमा विद्युत् ब्याकअपको व्यवस्था नहुँदा समस्या भएको छ । जिल्लामा सञ्चालित दुईवटै पम्पहरूमा विद्युत् ब्याकअपको व्यवस्था नहुँदा इन्धन बारम्बर सेवा प्रभावित हुनेगरेको हो ।
सल्लेरीमा रहेको दुधकोशी आयल स्टोर्समा ब्याकअप नहुँदा विद्युत् सेवा अवरुद्ध हुनेबित्तिकै बारम्बर इन्धन सेवा नै ठप्प हुनेगरेको छ भने गार्मास्थित नमूना दुधकुण्ड आयल पम्पस्टोर्समा समेत ब्याकअप नहुँदा समस्या भएको छ । जिल्लाको विद्युत् बारम्बर अवरुद्ध भइरहने र पम्पले समेत ब्याकअप नराख्दा इन्धन भर्ने सवारीचालकहरूले सास्ती खेप्नुपरेको छ । पम्पले विद्युत्कै कारण देखाउँदै लामो समय कुराउँदा अति आवश्यक कामहरू प्रभावित हुनेगरेको सवारीचालक रमेश कार्कीले गुनासो गरे । नमूना आयल पम्पको नाम दिइए पनि ब्याकअपको समेत व्यवस्था नहुँनु लजास्पद विषय भएको अर्का सवारीचालक मिङमार शेर्पाको भनाइ छ । सोमबार विद्युत् सेवा अवरुद्ध हुँदा कयौँ सवारी चालकहरू इन्धन भर्नकै लागि लामो समय पम्पमा कुर्न बाध्य भएका थिए । सोही समस्या बारम्बर दोहोरिरहने गरेको चालक शम्भु विश्वकर्माले बताए ।
कतिपय अवस्थामा बिरामी बोकेको एम्बुलेन्सहरू समेत इमरजेन्सीमा इन्धन भर्न जानुपर्ने भएकाले सो अवस्थामा समस्या हुने चालकहरू बताउँछन् । हाल जिल्लाको पेट्रोल पम्पहरूले विद्युत् हुँदा मात्रै सेवा दिइरहेका छन् । उनीहरूले विद्युत् नहुँदा सेवाग्राहीलाई कुराउने तथा रित्तो हात फर्काउने गरेको सवारीचालकहरूको गुनासो छ ।
सो विषयमा आफ्नो ध्यानाकर्षण भएकाले थप छलफल गरेर अघि बढ्ने प्रमुख जिल्ला अधिकारी (सीडीओ) बसन्त भट्टराईले बताए । यस विषयमा बुझ्न नमूना दुधकुण्ड आयल पम्पस्टोर्सका सञ्चालक तोरण कुमार श्रेष्ठलाई फोन सम्पर्क गर्दा सम्पर्कमा आउन चाहेनन् । गत साउन ६ गतेबाट विधिवत्रूपमा सञ्चालनमा आएको उक्त पम्पले जिल्लाको इन्धनको मागलाई पूरा गर्न सक्ने भन्दै खुसी भएका सर्वसाधरण छ महिना बित्न नपाउँदै निराश भएका छन् । जिल्लामा एउटा मात्रै पम्प हुँदा बारम्बर इन्धनको अभाव खेपेका जिल्लावासीले अर्को पम्प खुलेसँगै खुसी भएका थिए । तर नमूना दुधकुण्ड आयल पम्पस्टोर्सले समेत भरपर्दो इन्धन सेवा दिन नसकेपछि नागरिकहरू निराश भएका हुन् । नमूना पम्प भएकाले २४सैँ घण्टा सेवा दिने दाबी गरेका पम्प समेत सेवा विस्तारमा चुकेको छ ।
क्याटेगोरी : नेपाल
ताजा अपडेट
- मङ्सिर १५ गते ‘टुर दी बाँके नेसनल पार्क’ को आयोजना
- ऐतिहासिक चन्दन भराटेश्वर महादेव मन्दिर परिसरमा पूर्वाधार निर्माण थालियो
- नेपाल र बङ्गलादेशबीच जलवायुका विषयमा सहकार्यकोे महत्व छ: मन्त्री शाही
- कांग्रेस आकस्मिक बैठक: शोक प्रस्ताव पारित, दुई दिन आधा झण्डा झुकाउने
- पूर्वसभामुख ढुङ्गानाप्रति देउवाद्वारा श्रद्धाञ्जली अर्पण
- प्रधानमन्त्री ओलीद्वारा पूर्वसभामुख ढुङ्गानाप्रति श्रद्धाञ्जली अर्पण
- आर्जन सहकारीको सम्पूर्ण सूचक सकारात्मक
- घोराही सिमेन्टको ‘ढलाई मिक्स पीपीसी सिमेन्ट’ बजारमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया