एनसीआईटीको परियोजना प्रदर्शनी

काठमाडौं  । नेपाल कलेज अफ इन्फर्मेसन टेक्नोलोजी (एनसीआईटी)को वार्षिक कार्यक्रम ‘एनसीआईटी फेस्ट’ सम्पन्न भएको छ । यसअन्तर्गत स्नातक अध्ययनरत अन्तिम वर्षका विद्यार्थीले तयार पारेका परियोजनाको एक दिने प्रदर्शनी तथा करियर फेयर सम्पन्न भएको हो ।

बालकुमारीस्थित कलेज परिसरमा भएको प्रदर्शनीका लागि ६० बढी कम्पनीलाई बोलाइएको थियो । यस कार्यक्रमको उद्देश्य एकेडेमिया र उद्योगबीचको अन्तर कम गर्नु रहेको कलेजले जनाएको छ । प्रदर्शनीमा सूचना प्रविधिसँग सम्बन्धित विभिन्न ५२ ओटा परियोजना राखिएको थियो । जसमा हाइकी–इम्पावरिङ ट्रेकिङ एडभेन्चर, इ–स्वास्थ्य, डिजास्टर न्युज क्लासिफिकेसन, पी–टु–पी लेन्डिङ एप, भर्चुअल फिटनेस कोच, हेल्थ मेट, सानो लगानी, होम अटोमेसन, क्लिनगभ, होस्टल फाइन्डर, क्रप रेकमेन्डेसन सिस्टमलगायतका परियोजनाहरू थिए । यसबाहेक ३७ स्टार्टअपको व्यापारिक योजना समेत प्रस्तुत भएको थियो । यसबाहेक ३७ स्टार्टअपको व्यापारिक योजना समेत प्रस्तुत भएको थियो । प्रदर्शनीको ५०० बढीले अवकोलन गरेका थिए । कार्यक्रममा क्लाउड फ्याक्ट्री, जब्सनिपर, नेपाल ओपेन सोर्स क्लब, भेरिस्क इन्फर्मेसन टेक्नोलोजी, लगपोइन्ट, स्विफ्ट टेक्नोलोजी आदि कम्पनीका प्रतिनिधिहरू आएका थिए ।