बाल्टिनको पानीमा डुबेर छुट्टाछुट्टै स्थानमा दुई बालकको निधन

काठमाडौं । बाल्टिनको पानीमा डुबेर छुट्टाछुट्टै स्थानका दुई बालकको निधन भएको छ । भरिएको बाल्टिनमा डुबेर शुक्रबार धनुषा र सप्तरीमा गरी दुई बालकको मृत्यु भएको हो ।

प्रहरीका अनुसार धनुषा, बिदेह नगरपालिका–४ झिझा टोल बस्ने कृष्णा पासमानको छोरा २ वर्षीय अभय पासमानको आफ्नै घर अगाडि पानी भरिएको बाल्टिनमा डुबेर शुक्रबार दिउँसो मृत्यु भएको छ ।

त्यस्तै, सप्तरीस्थित डाक्नेश्वरी नगरपालिका–५ पातो बजार बस्ने देव कुमार मालिको ९ महिनाको छोरा बिराट कुमार मालिको पानी भरिएको बाल्टिनमा डुबेर शुक्रबार बिहान मृत्यु भएको छ । खेल्ने क्रममा बाल्टिनमा डुबेर अशक्त भएका उनको छिन्नमस्ता अस्पताल राजबिराजमा उपचारको क्रममा मृत्यु भएको हो ।