पाल्पा र चितवनमा गरी दुई जना नदीको किनारमा मृत फेला

काठमाडौं । पाल्पा र चितवनमा गरी दुई जना व्यक्ति नदीको किनारमा मृत अवस्थामा फेला परेका छन् । प्रहरीका अनुसार बिहिबार दुबैजना नदी किनारमा मृत अवस्थामा फेला परेका हुन् ।

पाल्पास्थ्ति तानसेन नगरपालिका–१४ दुमैस्थित कालिगण्डकी नदीमा रिब्दीकोट गाउँपालिका–३ मालमुल बस्ने ६७ वर्षीय होम बहादुर खत्री मृत अवस्थामा फेला परेका हुन् ।

त्यस्तै चितवनस्थित भरतपुर महानगरपालिका–१६ बस्ने १८ को समीर परियार सोही ठाउँस्थित नारायणी नदीको किनारमा मृत अवस्थामा फेला परेका हुन् । दुबै घटनासम्बन्धमा प्रहरीले थप अनुसन्धान गरिरहेको जनाएको छ ।