आगो ताप्ने क्रममा जलेर ४५ वर्षीय नेपालीको मृत्यु

सिन्धापल्चोक । बाह्रबिसे नगरपालिका–८ दमैटोल बस्ने ४५ वर्षीय लोक बहादुर नेपालीको सोमबार राति आगोले जलेर मृत्यु भएको छ । आफ्नै घरमा आगो ताप्ने क्रममा आगलागी हुँदा जलेर उनको घट्नास्थलमै मृत्यु भएको हो ।

आगलागी हुँदा ग्यास सिलिण्डर पड्किएको छ भने घर जलेर पूर्ण रूपमा क्षति भएको छ । उनका दुई छोराछोरीको सकुशल उद्दार गरिएको छ । प्रहरीले स्थानीय वासिन्दाको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको जनाएको छ ।