पोर्चुगलका लागि सिफारिस आवासीय राजदूतको सुनुवाइ शुक्रबार हुने

काठमाडौं । पोर्चुगलका लागि आवासीय राजदूतको पदमा नियुक्तिका लागि सिफारिस भएका शनिल नेपालको संसदीय सुनुवाइ शुक्रबार हुने भएको छ । संसदीय सुनुवाइ समितिको आजको बैठकले नेपाललाई शुक्रबार संसदीय सुनुवाइका लागि बोलाउने भएको हो ।

समितिका सभापति जबराले आज नेपालविरुद्ध एक उजुरी परेको जानकारी दिँदै सुनुवाइ भोलि २:३० बजेका लागि तय भएको जानकारी दिए ।

बैठकमा मुलुक आर्थिक सङ्कटमा परिरहेको अवस्थामा के कारणले त्यहाँ दूतावास खोल्नुपरेको हो सोको कारणबारे समितिका सदस्य महेश बर्तौलाले सरकारका तर्फबाट जानकारी गराउनुपर्ने माग गरेका थिए । त्यस्तै, सोही विषयमा समितिका अर्का सदस्य ज्ञानेन्द्रबहादुर कार्कीले उक्त विषयमा परराष्ट्रमन्त्री एनपी साउदलाई बोलाएर छलफल गर्नुपर्ने बताएका थिए ।

उक्त विषयलाई लिएर समितिका सभापति जबराले राजदूतको सुनुवाइ हुनुभन्दा अगाडि परराष्ट्रमन्त्रीलाई बोलाएर उक्त विषयमा जानकारी लिने बैठकमा बताएका छन् ।