अर्घाखाँचीमा ट्रक दुर्घटनाबाट चालक र सहचालकको मृत्य

अर्घाखाँची । अर्घाखाँचीमा ट्रक दुर्घटनाबाट दुई जनाको मृत्यु भएको छ । प्रहरीका अनुसार अर्घाखाँचीको शीतगंगा नगरपालिकामा भएको ना६ख २७३९ नम्बरको ट्रक शीतगङ्गा नगरपालिका– ८ सातमाराको राप्ति पुल नजिकै अनियन्त्रित भई दुर्घटना हुँदा चालक र सहचालकको मृत्यु भएको हो ।

नवलपरासी पश्चिम रामग्राम नगरपालिका–१८ बस्ने ३१ वर्षीय सञ्जयकुमार चौधरी र सहचालक भोला कुर्मीको मृत्यु भएको जिल्ला प्रहरी कार्यालयका प्रहरी निरीक्षक विक्रम रिजालले बताए । दुर्घटनामा गम्भीर घाइते भएका उनीहरुको जेनस अस्पताल बुटवलमा उपचारका क्रममा मृत्यु भएको हो ।