मोटरसाइकल दुर्घटनाबाट वडासदस्य लुइँटेलको मृत्यु

भरतपुर । मोटरसाइकल दुर्घटना हुँदा वडासदस्य जीवलाल लुइँटेलको मृत्यु भएको छ । चितवनको माडी नगरपालिका–१ स्थित गर्दिमा शनिबार साँझ भरतपुरतर्फ आउँदै गरेको मोटरसाइकललाई नम्बर नखुलेको सवारी साधनले ठक्कर दिँदा माडी–२ का वडासदस्य ६० वर्षीय लुइँटेलको मृत्यु भएको हो ।

लुइँटेल नेपाली कांग्रेसबाट वडा सदस्य निर्वाचित भएका थिए । उनी सवार मोटरसाइकललाई विपरीत दिशातर्फ गइरहेको ट्रयाक्टरले ठक्कर दिएको थियो । प्रहरीका अनुसार बाप्र०३०४प ८९१७ नम्बरको मोटरसाइकलमा वनकट्टाबाट भरतपुरतर्फ आउँदै गर्दा वडा सदस्य लुइँटेल सवार मोटरसाइकललाई ट्रयाक्टरले ठक्कर दिएको थियो ।

ठक्कर दिने ट्रयाक्टर भएको अनुमान गरिएको र केही ट्रयाक्टरलाई नियन्त्रणमा लिएर अनुसन्धान भइरहेको प्रहरीले जनाएको छ ।