बसको टायर फुस्किएर लाग्दा पैदलयात्री पौडेलको मृत्यु

मोरङ । गुडिरहेको बसको टायर फुस्किएर चोट लाग्दा एक पैदलयात्रीको मृत्यु भएको छ । आज(मंगलबार) बिहान चोट लागेर घाइते भएका कानेपोखरी गाउँपालिका–६ बस्ने ३० वर्षीय वीरेन्द्र पौडेलको उपचारको क्रममा मृत्यु भएको हो ।

सोही गाउँपालिका–७ स्थित सडकमा प्रदेश १–०१–००१ ख ३९२२ नम्बरको बसको टायर अचानक फुस्किएर लाग्दा गम्भीर घाइते भएका उनको बिराट नर्सिंङहोम बिराटनगरमा उपचारको क्रममा मृत्यु भएको हो । बस चालकलाई प्रहरीले नियन्त्रणमा लिई यस सम्बन्धमा आवश्यक अनुसन्धान गरिरहेको जनाएको छ ।