झापामा थ्रेसर मेशिनमा बेरिएर एक जनाको मृत्यु

झापा । झापा गाउँपालिका–२ सुगा बथान बस्ने ५७ वर्षीय नुनुवा टुडुको थ्रेसर मेशिनमा बेरिएर मृत्यु भएको छ । प्रहरीका अनुसार खेतमा प्र १–०१–००१ त ८०९२ नम्बरको ट्याक्टरमा जोडेको थ्रेसर मेशिनमा बेरिएर बुधबार बिहान उनको मृत्यु भएको हो ।

आफ्नै खेतमा थ्रेसर मेशिनबाट धान थ्रेसर लगाई झार्ने क्रममा थ्रेसरमा बेरिएर उनको मृत्यु भएको भन्ने खबर थाहा पाउनासाथ ईलाका प्रहरी कार्यालय कुमरखोदबाट खटिएको प्रहरीले आवश्यक अनुसन्धान गरिरहेको जनाएको छ ।