टोखामा आगलागीबाट ९८ लाखको धनमाल जलेर नष्ट

काठमाडौं । टोखा नगरपालिका–११ बानियाटारस्थित एक टहरामा आगलागी हुँदा करिब ९८ लाख रुपैयाँ बराबरको धनमाल जलेर नष्ट भएको छ । बानियाटारस्थित टिनको टहरामा रहेको ईलेक्ट्रोनिक पसल, किराना पसल, स्टेसनरी गोदाममा गरी जम्मा आठ वटा कोठामा विद्युत सर्ट भई आइतबार बिहान आगलागी हुँदा उक्त रकम बराबरको धनमाल जलेर नष्ट भएको हो ।

प्रहरीले स्थानीय बासिन्दा र दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।