इलाममा आगलागीबाट नौ लाखबढीको धनमाल जलेर नष्ट

इलाम । सूर्योदय नगरपालिका–८ पाल्टाङ्गेस्थित सुभाकर पुरासैनीको घरमा विद्युत सर्ट भई मंगलबार राति आगलागी हुँदा नौ लाख रकमभन्दा बढीको धनमाल जलेर नष्ट भएको छ । प्रहरीका अनुसार उक्त आगलागीबाट नगद ७० हजार रूपैयाँ, घरमा रहेको कस्मेटिक पसल, फर्निचरलगायतका सामान जलेर करिब नौ लाख ७० हजार रूपैयाँ बराबरको धनमाल नष्ट भएको हो ।

प्रहरीले स्थानीय बासिन्दा र दमकलको सहयोगमा आगलागी नियन्त्रणमा लिनुको साथै यस सम्बन्धमा आवश्यक अनुसन्धान गरिरहेको जनाएको छ ।