बर्दियामा वनभोजका यात्रु बोकेको बस दुर्घटना

काठमाडौं । आज(आइतबार) बर्दियाबाट वनभोजका लागि दाङ गएका यात्रु बोकेको बस दुर्घटना भएको छ । आज बिहान ७ बजे बर्दियाबाट दंगीशरण–३ स्थित थारु संग्रालय रहेको चखौरामा वनभोजका लागि गएको भे१ख २०४१ नम्बरको बस राप्ती राजमार्ग अन्तर्गत अमेलिया–तुलसीपुर सडक खण्डको झञ्ज्याङ नजिकै दुर्घटना भएको हो ।

दुर्घटनामा २५ जना यात्रु घाइते भएको र उनीहरूको उद्धार भइसकेको जिल्ला प्रहरी कार्यालय दाङले जनाएको छ । प्रहरीका अनुसार घाइतेको उद्धार गरी तुलसीपुरस्थित राप्ती प्रादेशिक अस्पताल र पाँच जनालाई कोहलपुर पठाइएको छ भने तीमध्ये तीन जना गम्भीर घाइते भएका छन् ।