कपिलवस्तुमा बलेरो गाडी दुर्घटना हुँदा सहचालकको मृत्यु

कपिलवस्तु । शिवराज नगरपालिका–३ सुपा देउराली मोडस्थित सडकमा प्रदेश २–०३–००१ च ५७८४ नम्बरको बलेरो गाडी आफै अनियन्त्रित भई दुर्घटना हुँदा गाडीका सहचालकको मृत्यु भएको छ । उक्त दुर्घटनाबाट शुक्रबार बिहान पर्सा वीरगंज महानगरपालिका–१६ नगवा बस्ने १५ वर्षीय शेख आषिफको मृत्यु भएको हो ।

दुर्घटनामा गम्भीर घाइते भएका उनको लुम्बिनी प्रादेशिक अस्पताल बुटवलमा उपचारको क्रममा मृत्यु भएको हो । साथै, दुर्घटनामा घाइते भएका बलेरोका चालकलाई थप उपचारको लागि चौराहा अस्पताल बुटवल पठाइएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।