जंगलमा लागेको आगोले जलेर एक महिलाको मृत्यु

चितवन । जंगलमा लागेको आगोमा जलेर एक महिलाको मृत्यु भएको छ । राप्ती नगरपालिका–१३ पान्द्रुङ चुलीस्थित जंगलमा लागेको आगोमा जलेर सोही नगरपालिका–१३ क्यामराङ बस्ने ४२ वर्षीया ज्ञानु माया प्रजाको सोमबार दिउँसो मृत्यु भएको हो ।

खर काट्ने क्रममा जंगलमा लागेको आगोले जलेर गम्भीर घाइते भएकी उनको सरकारी अस्पताल भरतपुरमा उपचारको क्रममा मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।