रुसी सेनापीडितका परिवारद्वारा उद्धारको माग गर्दै राप्रपालाई ज्ञापनपत्र

काठमाडौं । रुसी सेनापीडित परिवार तथा नागरिकको जीवन रक्षाको लागि सहचेतना अभियान्ताले रूसी सेनामा रहेका नेपालीहरूको उद्धारको माग गर्दै धुम्बाराहीस्थित राप्रपा पार्टी केन्द्रीय कार्यालयमा गएर ज्ञापनपत्र बुझाएका छन् । उनीहरुले आज शुक्रबार दिउँसो राप्रपा पार्टी कार्यालय गएर ज्ञापनपत्र बुझाएका हुन् ।

उनीहरुले रूसी सेनामा रहेका नेपालीहरूको उद्धार गर्न, मृतक नेपालीहरुको परिवारलाई राहत तथा बेपत्ता भएका नेपालीहरूको अवस्था सार्वजनिक गर्ने मागमा सहयोग र समन्वय तथा ध्यानाकर्षण गर्न पीडितका आफन्तहरु कुतु भण्डारी, सुमि राई, सीता माया बलको नेतृत्वमा ज्ञापनपत्र बुझाइएको थियो । राष्ट्रिय प्रजातन्त्र पार्टीका उपाध्यक्ष बुद्विमान तामाङ, महामन्त्री डा.धवलशम्शेर राणा, सांसद उद्वव थापा र सचिवालय प्रमुख केदार बहादुर अधिकारी समक्ष करिब ३० जनाको उपस्थितिमा ज्ञापन पत्र बुझाइएको थियो ।