काठमाडौं, जेठ २७
कोरोना परीक्षणलाई बढाउन सरकारले थप पीसीआर मेसिन खरिद गर्ने भएको छ । मेसिन खरिद गरेपछि विदेशबाट दैनिक ठूलो सङ्ख्यामा आउने सर्वसाधारणकोे पीसीआर परीक्षणको व्यवस्था गर्न सकिने स्वास्थ्य तथा जनसङख्यामन्त्री भानुभक्त ढकालको भनाइ छ । अहिले मुलुकका २१ स्थानबाट दैनिक चार हजारको सो परीक्षण भइरहेको छ । सरकारले असार १५ गतेदेखि दैनिक १० हजार जनाको कोरोना भाइरस (कोभिड १९) को पीसीआर विधिबाट परीक्षण गर्नका लागि मेसिन खरिद गर्न लागेको हो । संघीय संसद्मा सांसदले सोधेको प्रश्नमा उनले दैनिक १० हजार परीक्षण गर्ने गरी मेसिन खरिदको प्रक्रिया सुरु गरिएको बताएका हुन् ।
यस्तै, सरकारले सोमबारसम्म जम्मा दुई लाख ५७ हजार ९ सय ६२ जनाको कोभिड–१९ परीक्षण गरेको छ । यो सङ्ख्या पीसीआर र आरडीटी विधिबाट गरिएको कुल परीक्षणको सङ्ख्या भएको मन्त्रालयले जानकारी दिएको छ । पीसीआर विधिबाट कुल एक लाख ९ सय ७१ व्यक्तिको परीक्षण गरिएको छ भने आरडीटीबाट एक लाख ५६ हजार ९ सय ९१ व्यक्तिको परीक्षण गरिएको छ । परीक्षणबाट नेपालमा कोरोना सङ्क्रमितको सङ्ख्या तीन हजार ७ सय ६२ जना पुगेको छ । यसमा पुरुषको सङ्ख्या तीन हजार ५ सय ६ र महिला २ सय ५६ रहेका छन् ।
सोमबार थप तीन सय १४ जना कोभिड–१९ संक्रमित फेला परेका छन् । तीमध्ये २ सय ९४ जना पुरुष र २० जना महिला रहेका छन् । सङ्क्रमणबाट सोमबार एक जनाको मृत्यु भएको छ । स्याङ्जा वालिङ नगरपालिका–३ घर भएका ५८ वर्षका पुरुषको मृत्यु भएको स्वास्थ्य तथा जनसङ्ख्या मन्त्रालयले सोमबार आयोजना गरेको नियमित पत्रकार सम्मेलनमा जानकारी दिइएको छ । सोमबार एकको मृत्यु भएसँगै अहिलेसम्म १४ जना कोभिड–१९ को कारणले मृत्यु भएका छन् ।
मन्त्रालयका प्रवक्ता डा. जागेश्वर गौतमका अनुसार सोमबार २१ जना कोभिड–१९ सङ्क्रमणबाट निको भई घर फर्किएका छन् । उनीहरुमध्ये बाँकेको खजुरास्थित सुशील कोइराला प्रखर क्यान्सर अस्पतालबाट २० जना र कोभिड–१९ युनिफाइड अस्पतालबाट एक जना डिस्चार्ज भएका छन् । क्यान्सर अस्पतालबाट डिस्चार्ज हुने सबै बाँके नरैनापुरका १३ वर्षदेखि ५२ वर्षका पुरुष १५औं दिनदेखि २०औँ दिनमा भएका छन् । यस्तै युनिफाइड अस्पतालबाट एक जना २३ वर्षकी महिला ५ दिनमा डिस्चार्ज भएकी हुन् । यसरी सोमबार डिस्चार्ज हुनेसँगै अहिलेसम्म ४ सय ८८ जना डिस्चार्ज भएका छन् ।
यसैबीच, सरकारले प्रयोगशालाको दायरा बढाउन गजेन्द्रनारायण प्रादेशिक अस्पताल राजविराजमा प्रयोगशालाको स्थापना भएको छ । अब सोही अस्पतालबाट पीसीआर परीक्षण हुनेछ । यससँगै देशभरमा प्रयोगशालाको सङ्ख्या २१ पुगेको छ । विभिन्न अस्पतालका आइसोलेसनमा कुल तीन हजार २ सय ६० व्यक्ति उपचाररत रहेका छन् ।
यस्तै, चितवन जिल्लामा रहेको भरतपुर कोभिड–१९ प्रयोगशालामा गरिएको स्वाब परीक्षणको क्रममा दुई जना चिकित्सक र एक जना स्वास्थ्यकर्मीसहित ३० जनामा कोरोना सङ्क्रमण पुष्टि भएको छ । भरतपुर अस्पतालले सोमबार प्रेस वक्तव्य जारी गर्दै ३ सय १० जनामा परीक्षण गरिएकामा उनीहरुलाई कोरोना पोजेटिभ देखिएको हो ।
पोजेटिभ देखिएकामा एक निजी अस्पतालका चिकित्सक छन् । भरतपुर अस्पतालबाट स्वाब सङ्कलन गरेका बाहिर कार्यरत एक जना चिकित्सक र एक जना महिला स्वास्थ्यकर्मी रहेका छन् । भरतपुर अस्पतालका प्रमुख मेडिकल सुपरिटेण्डेन्ट डा श्रीराम तिवारीले माडी नगरपालिकाको क्वारेन्टिनमा बस्दै आएका छ जना, भरतपुर महानगरपालिकाका क्वारेन्टिनमा बस्दै आएका ११ जना, नारायणी सामुदायिक अस्पतालका एक जना, पुरानो मेडिकल कलेजमा रहेका दुई जना, बीपी कोइराला मेमोरियल क्यान्सर अस्पतालमा उपचाररत एक जना रहेका छन् ।
त्यसैगरी नवलपुरका पाँच जना र धादिङका एक जनामा पनि कोरोना पुष्टि भएको हो । माडी र भरतपुर महानगरपालिकामा भेटिएका सङ्क्रमितहरु भारतबाट आएका नेपाली छन् । अस्पतालमा भएकाहरुमध्ये नारायणी सामुदायिक अस्पतालको सघन उपचार कक्षमा रहेका एक जनाको अवस्था गम्भीर रहेको छ ।
क्याटेगोरी : समाचार
ताजा अपडेट
- सभापति लामिछानेविरुद्ध पक्राउ पुर्जी लिएर रास्वापा पार्टी कार्यालय पुग्यो प्रहरी
- प्रादेशिक अस्पताल जलेश्वरका चिकित्सकद्वारा हडताल
- आजदेखि मनकामना केबलकार नियमित सञ्चालनमा
- बाघको आक्रमणबाट एकजनाको मृत्यु
- पाँचपोखरी महिला ट्रेल रेसमा निर्मला प्रथम
- देशभर बालबालिकालाई भिटामिन ‘ए’ र जुकाको औषधि खुवाइँदै
- युरोपेली केन्द्रीय बैंकले फेरि ब्याजदर कटौती गर्यो
- आरबीआईद्वारा चार गैरबैंकिङ वित्त कम्पनीलाई ऋण दिन प्रतिबन्ध
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया