यूएनडिपीको सहयोगमा जलवायु परियोजनाको शुभारम्भ

काठमाडौ । यूएनडिपीको विश्व वातावरण कोष साना अनुदान कार्यक्रम र उर्लाबारी नगरपालिकाको सहकार्यमा “स्वाती”द्वारा जलवायु परियोजनाको शुभारम्भ गरिएको छ । उर्लाबारी नगरपालिकामा कृषि, माटो र वातावरण सम्बन्धि जलवायु परियोजना हालै शुभारम्भ गरिएको हो ।

यो परियोजनाले तीन मुख्य विर्षयहरू माटोको उर्वराशक्त्ति बचाउन गड्यौले मलको प्रयोग, जलवायुबाट कृषिमा पर्न सक्ने नकारत्मक असरको न्युनिकरणका निमित्त क्षमता अभिवृद्धि कार्यक्रम र सिसौली फार्ममा अवस्थित ‘सिसौली अध्ययन केन्द्र’ मार्फत् परम्परागत कृषि उपकरण र शैलीको प्रवर्दनमा काम गर्ने लक्ष्य लिएको छ । कार्यक्रममा परियोजना अन्तर्गत सम्पन्न एक–दिने दिगो जैविक खेती सचेतना कार्यक्रम र तीन–दिने गड्यौले मल उत्पादन तालिमका सहभागिहरूलाई प्रमाण–पत्र पनि बितरण गरिएको थियो ।