बाँके जेठ ३२
कोरोना भाइरसको संक्रमण नियन्त्रणमा सरकार असफल भएको भन्दै नेपालमा विरोध प्रदर्शन भइरहेका बेला बाँकेका उद्योगी ब्यापारीले समेत विरोध प्रर्दशन गरेका छन् । सरकारले लकडाउनबाट प्रभावित उद्योग, व्यवसाय सञ्चालनका लागि राहत प्याकेज ल्याउनुपर्ने माग गर्दै प्रजातान्त्रिक उद्योगी व्यवसायी संघ बाँकेको अगुवाइमा नेपालगन्जमा शुक्रबार प्रदर्शन गरिएको हो । उद्योगी व्यवसायी संघ बाँकेका अध्यक्ष पुरुषोतम शर्माले प्रमुख जिल्ला अधिकारी रामबहादुर कुरुम्बाङमार्फत सरकारलाई ज्ञापनपत्र समेत बुझाएका छन् ।
ज्ञापनपत्रमा लकडाउनबाट प्रभावित उद्योगी, व्यवसायीका लागि आर्थिक प्याकेज तत्काल घोषणा गर्नुपर्ने, घर भाडाका लागि घरधनीहरुसँग छलफल गरी तत्काल सहजीकरण गर्नुपर्ने र लकडाउन अवधिभरको बैंक ब्याज मिनाहा गर्न राष्ट्र बैंकमार्फत वाणिज्य बैंकलाई तत्काल निर्देशन गर्नुपर्ने माग राखिएको छ । यस्तै, राज्यलाई बुझाउने सम्पूर्ण राजस्व (कर) लकडाउन खुलेको तीन महिनापछिको समय निर्धारण गर्नुपर्ने, उद्योग व्यवसायमा कार्यरत श्रमिकको तलब भुक्तानका लागि सरकार, व्यवसायी र श्रमिकको समान साझेदारीमा भुक्तान हुने व्यवस्था गर्नुपर्नेलगायत माग गरिएको छ । कोरोना भाइरस नियन्त्रणका लागि भनेर सरकारले लकडाउन लम्ब्याउने काम मात्रै ग¥यो । महामारी नियन्त्रणका लागि पीसिआर परीक्षणको दायरालाई बढाउनै सकेन जसका कारण दैनिक व्यापार, व्यवसाय र काम गरी खाने जनता अब भोकै मर्ने स्थिति आउने निश्चित छ,’ व्यापारी ध्रुव दाहालले बताए ।
बैंकले मासिक ब्याज र घर मालिकले कोठा भाडा मागेर हैरान पारिरहेको ब्यापारी सरकार विरोधी प्रदर्शनमा उपस्थिती व्यापारी बताउँछन् ।नेपालगन्जको वीरेन्द्र चोकबाट सुरु भएको प्रदर्शन सदरलाइन, त्रिवेणी मोड, त्रिभुवन चोक हुँदै जिल्ला प्रशासन कार्यालयमा पुगेर कोणसभामा परिणत भएको थियो । विभिन्न प्लेकार्डसहित प्रदर्शनमा सहभागी भएका उद्योगी, व्यवसायीले चर्का नारा लगाएका थिए । यसैबीच बुटवलमा पनि शुक्रबार सरकारविरुद्ध प्रदर्शन भएको छ । कोराना भाइरसको संक्रमण रोकथाममा सरकारले वास्था नगरेको र खर्चमा पारदर्शीता नभएको भन्दै नागरिकहरु प्रदर्शनमा उत्रिएका हुन् । प्रदर्शनकारीले सबै परीक्षण पीसीआर विधिबाट गर्नु पर्ने, बेसार पानी खाऊ भन्नुको सट्टा उपचार गर्नु पर्ने, खर्च भएको रकम पारदर्शी हुनु पर्ने माग गरेका छन् ।
क्याटेगोरी : समाचार
ताजा अपडेट
- सभापति लामिछानेविरुद्ध पक्राउ पुर्जी लिएर रास्वापा पार्टी कार्यालय पुग्यो प्रहरी
- प्रादेशिक अस्पताल जलेश्वरका चिकित्सकद्वारा हडताल
- आजदेखि मनकामना केबलकार नियमित सञ्चालनमा
- बाघको आक्रमणबाट एकजनाको मृत्यु
- पाँचपोखरी महिला ट्रेल रेसमा निर्मला प्रथम
- देशभर बालबालिकालाई भिटामिन ‘ए’ र जुकाको औषधि खुवाइँदै
- युरोपेली केन्द्रीय बैंकले फेरि ब्याजदर कटौती गर्यो
- आरबीआईद्वारा चार गैरबैंकिङ वित्त कम्पनीलाई ऋण दिन प्रतिबन्ध
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया