राष्ट्र बैंकद्वारा साबिकको कार्यालय समयमा नै सेवा सञ्चालन गर्न बैंकहरुलाई निर्देशन
काठमाडौं, असार १
नेपाल राष्ट्र बैंकले बैंक तथा फाइनान्स कम्पनीहरुलाई साबिकबमोजिमकै कार्यालय समयमा वित्तीय सेवा सञ्चालन गर्न निर्देशन दिएको छ । राष्ट्र बैंकले आईतबार अनुुमति प्राप्त २७ वटा वाणिज्य बैंक, क्षेत्रिय तथा राष्ट्रियस्तरका समेत गरी २३ वटा विकास बैंक, २२ वटा फाइनान्स कम्पनी र ८९ वटा लघुुवित्त वित्तीय संस्था समेतको नाउँमा परिपत्र जारी गर्दै उक्त व्यवस्था कार्यान्वयनमा ल्याउन निर्देशन दिएको हो ।
निर्देशनअनुसार बैंक तथा वित्तीय संस्थाहरुले असार १ गते अर्थात् आजबाट सेवाग्राहीको चाप मूल्यांकन गरी बढी भीडभाड हुुने स्थानहरुमा आवश्यकताअनुसार विभिन्न चरणमा सेवा प्रवाह गर्ने व्यवस्था गरी बिहान ८ बजेदेखि साँझ ६ बजेसम्म सेवा प्रवाह गर्ने सुनिश्चितता प्रदान गर्नुुपर्नेछ । सेवाग्राहीको भीडभाड कम हुुने तथा दूरी कायम हुुने गरी लामबद्ध हुुने व्यवस्था गर्नुुपर्नेछ ।
यसैगरी बैंकिङ सेवा प्रवाहमा प्रत्यक्ष सम्पर्कमा रहने जनशक्ति तथा सेवाग्राहीको स्वास्थ्य सुरक्षा तथा संक्रमणको सम्भावनालाई न्यूनीकरण गर्न आवश्यक स्वास्थ्य सुरक्षाका न्यूनतम उपायहरु स्यानिटाइजर, मास्क, थर्मल स्यानिङ, ह्याण्ड वास, ग्लोभ्सलगायतका व्यवस्थाहरु गर्नुुपर्नेछ । यसैगरी विद्युतीय कारोबारलाई थप प्रोत्साहन गर्न पभन राष्ट्र बैंकले निर्देशन दिएको छ ।
यसैगरी राष्ट्र बैकले सोही दिन अर्को परिपत्र जारी गर्दै भुक्तानी तथा फर्स्योट विनियमावली २०७७ लाई कार्यान्वयनमा ल्याउन पनि निर्देशन दिएको छ । राष्ट्र बैंकबाट अनुुमति प्राप्त भुक्तानीसम्बन्धी कार्य गर्ने संस्थाहरुलाई भुक्तानी तथा फर्स्योट ऐन २०७५ को दफा ४६ ले दिएको अधिकार प्रयोग गरी भुक्तानी तथा फर्स्योट विनियमावली २०७७ जारी गरिएकाले सबै संस्थाहरुलाई सोहीबमोजिम गर्न गराउन निर्देशन दिएको छ । यसैबीच, राष्ट्र बैंकले आइतबार नै अर्को परिपत्र जारी गर्दै विगतका लकडाउनका कारण आरटीजीएसको समय परिवर्तन गरिएको भए पनि आज सोमबारबाट भने पूर्ववत् समयअनुुसार नै आरटीजीएस कार्यान्वयनमा ल्याउन बैंकहरुलाई निर्देशन दिएको छ ।
क्याटेगोरी : समाचार
ताजा अपडेट
- सभापति लामिछानेविरुद्ध पक्राउ पुर्जी लिएर रास्वापा पार्टी कार्यालय पुग्यो प्रहरी
- प्रादेशिक अस्पताल जलेश्वरका चिकित्सकद्वारा हडताल
- आजदेखि मनकामना केबलकार नियमित सञ्चालनमा
- बाघको आक्रमणबाट एकजनाको मृत्यु
- पाँचपोखरी महिला ट्रेल रेसमा निर्मला प्रथम
- देशभर बालबालिकालाई भिटामिन ‘ए’ र जुकाको औषधि खुवाइँदै
- युरोपेली केन्द्रीय बैंकले फेरि ब्याजदर कटौती गर्यो
- आरबीआईद्वारा चार गैरबैंकिङ वित्त कम्पनीलाई ऋण दिन प्रतिबन्ध
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया