मिति र मूल्य निर्धारण नगर्ने दोलखा डेरीलाई ५० हजार जरिवाना
सुबास बस्नेत
दोलखा, असार १
जिल्लाको घरेलु तथा साना उद्योग कार्यालय दोलखाले दुग्ध विकास संस्थानद्वारा सञ्चालित दोलखा डेरीलाई ५० हजार जरीवाना लगाएको छ । दोलखा डेरीले एक महिनादेखि उत्पादन मिति र मूल्य नराखी दुग्धजन्य उत्पादन बिक्री गरेको पाइएपछि प्रादेशिक व्यापार तथा व्यवसायसम्वन्धी ऐन २०७६ अनुसार आइतबार ५० हजार जरीवाना गरिएको घरेलु तथा साना उद्योग कार्यालय दोलखाका प्रमुख सुजितकुमार झाले जानकारी दिए । ऐनको दफा ६१ को जरीवानासम्बन्धी व्यवस्थाको उपदफा १ को खण्ड घ (३) अनुसार ५० हजार जरीवाना गरिएको कार्यालय प्रमुख झाले जानकारी दिए ।
छापाको क्रममा बिलबिजक नराखेको पाइएपछि सोही ऐनको दफा ४४ अनुसार अन्य ६ विभिन्न उद्योग तथा व्यापारीलाई जरीवाना लगाइएको उनले बताए । बिलबिजक नराखेको पाइएको भीमेश्वर नगरपालिका–३, चरिकोटस्थित माँ पलाञ्चोक बेकरी उद्योगलाई १५ हजार, भीमेश्वर बेकरी उद्योगलाई १० हजार, बस्नेत सुपथ मूल्य पसललाई १० हजार, भीमेश्वर खाद्यन्न तरकारी पसललाई १० हजार, भीमेश्वर खाद्यन्न स्टोरलाई १० हजार र वडा नम्बर ६ स्थित सदिप स्टोर्सलाई १० हजार जरीवाना गरिएको कार्यालय प्रमुख झाले जानकारी दिए । जरीवाना लगाइएको मध्ये माँ पलाञ्चोक बेकरी उद्योगले भुक्तानी गरिसकेको कार्यालयले जनाएको छ ।
क्याटेगोरी : समाचार
ताजा अपडेट
- सभापति लामिछानेविरुद्ध पक्राउ पुर्जी लिएर रास्वापा पार्टी कार्यालय पुग्यो प्रहरी
- प्रादेशिक अस्पताल जलेश्वरका चिकित्सकद्वारा हडताल
- आजदेखि मनकामना केबलकार नियमित सञ्चालनमा
- बाघको आक्रमणबाट एकजनाको मृत्यु
- पाँचपोखरी महिला ट्रेल रेसमा निर्मला प्रथम
- देशभर बालबालिकालाई भिटामिन ‘ए’ र जुकाको औषधि खुवाइँदै
- युरोपेली केन्द्रीय बैंकले फेरि ब्याजदर कटौती गर्यो
- आरबीआईद्वारा चार गैरबैंकिङ वित्त कम्पनीलाई ऋण दिन प्रतिबन्ध
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया