बजेटप्रति सेयर लगानीकर्ता असन्तुष्ट

काठमाडौं । अर्थमन्त्री वर्षमान पुनले आगामी आर्थिक वर्ष २०८१/८२को बजेट घोषणा गरेको भोलिपल्ट सेयरबजारमा गिरावट आएको छ । बुधबार नेप्से परिसूचक २३ दशमलव ८१ अंक घटेर दुई हजार ८९ दशमलव ४२ विन्दुमा कायम भएको छ । चार अर्ब ५७ करोड ५० लाख रुपैयाँबराबरको एक करोड सात लाख ३८ हजार एक सय ६९ कित्ता सेयर किनबेच भएको छ ।

बजेटमा लगानीकर्ताका माग सम्बोधन नभएपछि बुधबार बजारले नकारात्मक प्रतिक्रिया देखाएको हो । लगानीकर्ताले बजेटप्रतिको असन्तुष्टि सेयर बेचेर पोखेका छन् । सेयरको बिक्रीचाप बढेपछि बजार रातो बनेको हो । कारोबार भएका दुई सय ४७ कम्पनीमध्ये एक सय ९१ कम्पनीको सेयरमूल्यमा गिरावट आउँदा बजार रातो बनेको हो । ५६ कम्पनीको सेयरमूल्य भने बढेको छ । लगानीकर्ताको सम्पत्ति ३७ अर्ब रुपैयाँ घटेको छ । बजार पुँजीकरण ३३ खर्ब १३ अर्ब रुपैयाँमा झरेको छ ।

बैंकिङ, विकास बैंक, जीवन बीमा, लघुवित्त, जलविद्युत्, लगानी, निर्जीवन बीमा र अन्य समूह घटेका छन् । सबैभन्दा धेरै बैंकिङ समूह दुई दशमलव ९४ प्रतिशत घटेको छ । त्यसपछि लघुवित्त समूह एक दशमलव ७१ प्रतिशत, जीवन बीमा समूह एक दशमलव तीन प्रतिशत, विकास बैंक समूह एक दशमलव ११ प्रतिशतले घटेका छन् । फाइनान्स, होटल तथा पर्यटन, उत्पादन तथा प्रशोधन र व्यापार समूह भने बढका छन् । सबैभन्दा धेरै उत्पादन तथा प्रशोधन समूह दुई दशमलव ६८ प्रतिशतले बढेको छ । त्यसपछि होटल तथा पर्यटन एक दशमलव १३ प्रतिशत, व्यापार समूह शून्य दशमलव ६९ प्रतिशत र फाइनान्स शून्य दमलव १४ प्रतिशत घटेको छ ।

बजारमा गिरावट आए पनि चार कम्पनीको सेयरमूल्य १० प्रतिशत बढेको छ । युनिलिभर नेपाल लिमिटेड, कालिञ्चोक दर्शन लिमिटेड, अपर लोहोरे खोला जलविद्युत् कम्पनी लिमिटेड र भगवती हाइड्रोपावर डेभलपमेन्ट कम्पनी लिमिटेडको सेयर कारोबार सकारात्मक सर्किट लेभलमा भएको हो । बुद्धभूमि नेपाल हाइड्रोपावरको सेयरमूल्य सर्वाधिक नौ दशमलव ४१ प्रतिशत घटेको छ । सबैभन्दा धेरै सेयर कारोबार पोखरा फाइनान्सको १९ करोड ५२ लाख रुपैयाँ र सीईडीबी हाइड्रोपावरको १९ करोड २७ लाख रुपैयाँको सेयर किनबेच भएको छ ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments