नेपाली सेनाका रथी सिग्देलको उमेर विवाद: संसद्मा उठ्यो प्रश्न, रक्षामन्त्री र प्रधानसेनापतिसँग जवाफ माग
काठमाडौं । नेपाली सेनाका रथी अशोकराज सिग्देलको उमेर हदसम्म विवाद प्रतिनिधिसभामा प्रवेश गरेको छ । शुक्रबार प्रतिनिधिसभाको बैठकमा आम जनता पार्टी (आजपा)का अध्यक्ष प्रभु साहले नेपाली सेनाका रथी अशोकराज सिग्देलको उमेर विवादमा रक्षामन्त्री हरि उप्रेती र प्रधानसेनापति प्रभुराम शर्मासँग जवाफ माग गरेका छन् ।
रथी सिग्देलको उमेर विवादको विषय आर्थिक दैनिक पत्रिकाले विभिन्न समयमा समाचारहरु सार्वजनिक गरेको थियो । शुक्रबारको अङ्कमा पनि आर्थिक दैनिकले ‘अवकाश पाइसकेको हुनुपर्ने सिग्देल प्रधानसेनापतिको उम्मेदवार ?’ भन्ने शीर्षकमा समाचारलाई प्राथमिकताका साथ सम्प्रेषण गरेको थियो । सोही विषयमा शुक्रबार प्रतिनिधिसभा बैठकको आकस्मिक समयमा आजपका अध्यक्ष साहले नेपाली सेनाको आगामी नेतृत्वको रुपमा लिइएका रथी सिग्देलको उमेर विवाद रहेको भन्दै यस सम्बन्धमा प्रधानसेनापतिको जवाफ माग गरेका हुन् । नेपाली सेनाको छवि निस्कलङ्कित, निर्विवादित र उदाहरणीय हुनुपर्ने भए पनि रथीको उमेर विवादले नेपाली सेनाको छविमाथि आँच पुर्याएको साहको भनाइ थियो ।
‘रथिमाथि प्रश्न उठ्दा प्रधानसेनापति र रक्षामन्त्री चुप लागेर बस्न मिल्दैन’, उनले भने, ‘यसरी विवादित कुराहरु बाहिर आइराख्दा सम्बन्धित निकायले किन स्पष्ट गर्दैन ? हामी जान्न चाहन्छौँ । माननीय रक्षामन्त्रीको जवाफ चाहन्छौँ । यसरी देशको सम्मानित संस्थाको नेतृत्वमाथि प्रश्न उठिराख्दा तपाईँ चुप लाग्न मिल्दैन’, आजपका अध्यक्ष साहले भने ।
सिग्देल गतवर्षको मंसिरमा रथीमा बढुवा भएका हुन् । उनीअघि रथीमा बढुवा हुन लागेका ताराध्वज पाण्डे नागरिकता किर्तेको विवादमा मुछिएपछि राजीनामा दिएका थिए । त्यसपछि रथीमा बढुवा भएका सिग्देलको पनि नागरिकता र शैक्षिक प्रमाणपत्रमा फरक–फरक जन्ममिति भएको आरोपसहित अख्तियार दुरुपयोग अनुसन्धान आयोगमा उजुरी परेको थियो ।
उनको जन्म २०२१ मा भए पनि २०२३ साल बनाइएको आरोप थियो । अख्तियारले आफ्नो क्षेत्राधिकार नभएको भन्दै रक्षा मन्त्रालयलाई छानबिन गर्न पत्र पठाएको थियो । मन्त्रालयको छानबिनमा भने उमेर विवाद नरहेको निष्कर्ष निकालिएको थियो । सिग्देल २०४३ फागुन ३ मा नेपाली सेनाको अधिकृत क्याडेट दर्जामा प्रवेश गरी २०४५ जेठ १९ मा नेपाली सैनिक प्रतिष्ठानबाट सहायक सेनानी भएको विभिन्न प्रमाणपत्रहरुबाट खुलेको छ ।
क्याटेगोरी : समाचार
ट्याग : #Page 1
ताजा अपडेट
- गृहमन्त्री लामिछाने विरुद्धको रिटको पेसी आज
- एमालेबाट सरकारमा सहभागी मन्त्रीहरूले राजीनामा दिँदै
- कांग्रेस र एमालेबीच नयाँ सरकार बनाउने सहमति, कांग्रेसले गृहसहित १० वटा मन्त्रालय लिने
- यस्ता छन् ओली र देउवाबीच मध्यरातमा भएको समझदारी (बुदाँसहित )
- छानबिनका लागि पोखरा विमानस्थलमा संसदीय समिति
- साइमेक्स इंक लगायत सम्पूर्ण आयातकर्ता कम्पनीमाथि छानबिन
- धितोपत्र बोर्डको अध्यक्ष नियुक्ति रद्द गर्ने निर्णयविरुद्ध सर्वोच्चमा रिट
- मेगा ड्रिम सहकारीको करोडौँ पैसा लिएर नतिर्ने अमृता श्रेष्ठविरुद्ध मुद्दा दायर
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया