एक वर्षमा ५० अर्बले बढ्यो घरजग्गा कर्जा
सुरेश राउत २०८१, साउन १० ०८:४२ 
बैंक तथा वित्तीय संस्थाहरुले घरजग्गा कर्जा बढाएका छन् । नेपाल राष्ट्र बैंकका अनुसार आर्थिक वर्ष २०८०÷८१ को जेठ मसान्तम्ममा बैंक तथा वित्तीय संस्थाहरुले घरजग्गा क्षेत्रमा कुल ५१ खर्ब २८ अर्ब ६२ करोड ४० लाख रुपैयाँ कर्जा प्रवाह गरेका छन् । यसमध्ये व्यक्तिगत आवास शीर्षकअन्र्तगत तीन खर्ब ८४ अर्ब ४१ करोड २० लाख र रियलस्टेट क्षेत्रअन्तर्गत दुई खर्ब ६० अर्ब १८ करोड २० लाख रुपैयाँ समेत गरी कुल छ खर्ब ४५ अर्ब ५९ करोड ४० लाख रुपैयाँ कर्जा प्रवाह गरेका छन् । यो कर्जा अघिल्लो आर्थिक वर्षको सोही अवधिको तुलनामा ५० अर्ब ११ करोड रुपैयाँले बढी हो ।
अघिल्लो आर्थिक वर्षमा बैंक तथा वित्तीय संस्थाहरुले व्यक्तिगत आवास शीर्षकअन्तर्गत तीन खर्ब ४९ अर्ब ३८ करोड ५० लाख रुपैयाँ र रियलस्टेटमा दुई खर्ब ४६ अर्ब नौ करोड ९० लाख रुपैयाँ कर्जा प्रवाह गरेका थिए । उक्त अवधिमा बैंकिङ क्षेत्रको कुल कर्जा ४८ खर्ब ५५ अर्ब ५५ अर्ब ४२ करोड १० लाख रुपैयाँ थियो । आर्थिक वर्ष २०८०÷८१ को जेठ मसान्तसम्ममा वाणिज्य बैंकहरुले मात्र कुल ४५ खर्ब ३२ अर्ब १८ करोड ४० लाख रुपैयाँ कर्जा प्रवाह गरेका छन् । जसमध्ये व्यक्तिगत आवास शीर्षकमा तीन खर्ब १५ अर्ब नौ करोड ९० लाख र रियलस्टेट क्षेत्रमा दुई खर्ब १७ अर्ब ११ करोड ९० लाख रुपैयाँ समेत गरी कुल पाँच खर्ब ३२ अर्ब २१ करोड ८० लाख रुपैयाँ कर्जा प्रवाह गरेका छन् । राष्ट्र बैंकका अनुसार यो कर्जा अघिल्लो आर्थिक वर्षको सोही अवधिको तुलनामा ३६ अर्ब ६८ करोड ९० लाख रुपैयाँले बढी हो । उक्त अवधिमा वाणिज्य बैंकहरुले कुल ४२ खर्ब ९७ अर्ब ८३ करोड २० लाख रुपैयाँ कर्जा प्रवाह गरेको मध्ये व्यक्तिगत आवस शीर्षकमा दुई खर्ब ८१ अर्ब २६ करोड ८० लाख र रियलस्टेट क्षेत्रमा दुई खर्ब १४ अर्ब ६२ करोड १० लाख समेत गरी कुल चार खर्ब ९५ अर्ब ५२ करोड ९० लाख रुपैयाँ कर्जा प्रवाह गरेका थिए ।
राष्ट्र बैंकका अनुसार विकास बैंकहरुले भने आर्थिक वर्ष २०८०÷८१ चार खर्ब ९७ अर्ब ७४ करोड ३० लाख रुपैयाँ कर्जा प्रवाह गरेका छन् । जसमध्येबाट व्यक्तिगत आवासमा ५७ अर्ब ६१ करोड र रियलस्टेटमा ३२ अर्ब ७४ करोड ५० लाख रुपैयाँ समेत गरी कुल ९० अर्ब ३५ करोड ५० लाख रुपैयाँ कर्जा प्रवाह गरेका छन् । यो कर्जा अघिल्लो आवको तुलनामा १२ अर्ब १९ करोड २० लाख रुपैयाँले बढी हो । अघिल्लो आर्थिक वर्षमा विकास बैंकहरुले कुल चार खर्ब ६५ अर्ब २५ करोड ८० लाख रुपैयाँ कर्जा प्रवाह गरेका थिए । उक्त कर्जामध्येमा व्यक्तिगत आवास शीर्षकमा ५६ अर्ब ५१ करोड ९० लाख र रियलस्टेट क्षेत्रमा २१ अर्ब ६४ करोड ४० लाख रुपैयाँ समेत गरी कुल ७८ अर्ब १६ करोड ३० लाख रुपैयाँ कर्जा प्रवाह गरेका थिए ।
आर्थिक वर्ष २०८०÷८१ मा फाइनान्स कम्पनीहरुले ९८ अर्ब ६९ करोड ८० लाख रुपैयाँ कर्जा प्रवाह गरेका छन् । जसमध्ये व्यक्तिगत आवासमा १२ अर्ब ७० अर्ब ४० करोड रुपैयाँ रियस्टेट क्षेत्रमा १० अर्ब ३१ करोड ७० लाख रुपैयाँ गरी कुल २३ अर्ब दुई करोड १० लाख रुपैयाँ कर्जा प्रवाह गरेका छन् । यो कर्जा अघिल्लो आर्थिक वर्षको सोही अवधिको तुलनामा एक अर्ब ५८ करोड ८० लाख रुपैयाँले बढी हो । अघिल्लो आर्थिक वर्षको सोही अवधिमा फाइनान्स कम्पनीहरुले कुल ९२ अर्ब ३३ करोड १० लाख रुपैयाँ कर्जा प्रवाह गर्दा व्यक्तिगत आवास शीर्षकमा ११ अर्ब ५९ करोड ८० लाख र रियलस्टेट क्षेत्रमा नौ अर्ब ८३ करोड ५० लाख रुपैयाँ समेत गरी कुल २१ अर्ब ४३ करोड ३० लाख रुपैयाँ कर्जा प्रवाह गरेका थिए ।
क्याटेगोरी : बैंक बित्त बजार, समाचार
ट्याग : #Page 1
ताजा अपडेट
- सिटिजन्स बैंकको कम्पनी सचिवमा प्रमेशराज कायस्थ
- ५५ करोड बराबरको अनलाइन जुवा खेलाउने व्यक्ति पक्राउ
- ‘अस्पतालको फार्मेसीमा सबै औषधि उपलब्ध हुनुपर्छ’
- कार्टेलिङ गरी सिमेण्टमा मूल्यवृद्धि
- विराटनगरमा मैथिली भाषाको अन्तर्राष्ट्रिय अवार्ड हुने
- नयाँ स्टक एक्सचेन्ज र पुँजीबजार
- राजनीतिकोे उतारचढावमा सेयरबजार
- कोही जिम्मेबार नहुँदा थला परेको विकास
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया